web counter
LEXO PA REKLAMA!

SHKARKO APP

App Store
Google Play

E fundit!

x

KQZ mblidhet për "fatin" e Kreshnik Hajdarit, mbrojtja: S'ka vendim dëbimi

14 Nëntor 2023, 12:11, Politikë CNA
KQZ mblidhet për "fatin" e Kreshnik Hajdarit, mbrojtja: S'ka
Mbledhja e KQZ

KQZ është mbledhur sot në një seancë për të vendosur për mandatin e Kreshnik Hajdarit, kryetar i Bashkisë së Kuçovës, i cili gënjeu në formularin e dekriminalizimit ku fshehu dënimin e tij në 1999 në Greqi. Pritet të jepet vendimi për mandatin e tij.

Ndërkohë, pala mbrojtëse ka justifikuar se nuk ka asnjë shkak për të ndërprerë mandatin.

“Nuk ka asnjë shkak për të justifikuar ndërprerjen e mandatit të Kreshnik Hajdarit”, u tha nga avokatët. 

Gjatë mbledhjes përfaqësuesi i koalicionit “Bashkë Fitojmë” kërkoi që mandati i Kreshnik Hajdarit të ndërpritet menjëherë.

“Nuk ka rëndësi cili ka qenë dënimi, por fakti se ky dënim nuk është deklaruar në formularin e dekriminalizimit. Ai jo vetëm që nuk e ka deklaruar por është edhe përgjegjës për veprën penale të konstatuar. Ligji nuk i referon zotit Hajdari nëse duhet të vlerësojë kushtet ndaluese apo jo, këtë e bën ligji”- tha përfaqësuesi ligjor i “BF”-së.

Avokati mbrojtës Theodhori Sollaku tha se nuk ka arsye për marrje të masës së ndërprerjes së mandatin, pasi Hajdari ka qenë vetëm 16-vjeç në atë kohë e nuk rezulton të ketë masë dënimi për të.

 “Nuk rezulton që për Kreshnik Hajdarin është marrë masa e dëbimit nga një shtet i huaj”- tha Sallaku.

Po ashtu pala mbrojtëse kërkoi që seanca të mos zhvillohej në prani të mediave pasi ka karakter administrativ dhe nuk mund të zhvillohet spektakël./CNA

 





Lajmet e fundit nga