web counter
LEXO PA REKLAMA!

SHKARKO APP

App Store
Google Play

E fundit!

x

Greqia pengon Shqipërinë për në BE, shkak çështja "Beleri"

14 Nëntor 2023, 11:49, Politikë CNA
Greqia pengon Shqipërinë për në BE, shkak
Kryeministri i Shqipërisë Edi Rama dhe ai i Greqisë Kyriakos Mitsotakis

Pas problemeve me çështjen "Beleri", Greqia nuk ka firmosur letrën e 27 vendeve anëtare drejtuar Komisionit të BE-së për hapjen e pesë kapitujve të parë të procesit të anëtarësimit.

Lajmi është konfirmuar nga "Euractiv", ku po ashtu theksohet se Athina po i bën presion Tiranës mbi disa çështje në lidhje me shtetin e së drejtës, siç është rasti i Belerit dhe zbatimi i disa ligjeve që lidhen me minoritetin grek në Shqipëri, si të drejtat e pronësisë.

“Athina nuk po e mbyll derën për anëtarësimin në BE, por ka disa çështje që duhet të zgjidhen. Me mënyrën se si kanë qenë gjërat për tri javë tani, procesi nuk mund të vazhdojë.”- thuhet në shkrimin e "Euroactiv".

Tensioni mes dy vendeve nisi në maj të këtij viti ku vetëm dy ditë para zgjedhjeve vendore kur kandidati për kryetar bashkie, Fredi Beleri, i cili kandidon nën flamurin e opozitës, u arrestua me dyshimin për blerje votash.

Ndonëse nën masë sigurie, Beleri fitoi zgjedhjet në Himarë, por nuk ka mundur të betohet si kryetar bashkie për shkak të dënimit.

Më herët gjatë javës u përfol në media se Athina kishte refuzuar të mbështeste një letër që i kërkonte Komisionit të hapte pesë kapitujt e parë të negociatave.

Regjistrimi i popullsisë po ashtu është një çështje e hapur mes dy vendeve.

Shqipëria po bën regjistrimin e saj të parë në gati 12 vjet./CNA

 





Lajmet e fundit nga