web counter
LEXO PA REKLAMA!

SHKARKO APP

App Store
Google Play

E fundit!

x

“Segmente të drejtësisë janë vënë në shërbim të politikës”, Beleri: “Harresa” me dosjen time e paprecedent

29 Tetor 2023, 22:53, Aktualitet CNA
“Segmente të drejtësisë janë vënë në
Fredi Beleri

Kandidati që fitoi zgjedhjet për kryetar në Bashkinë e Himarës, Fredi Beleri, ka reaguar për zvarritjen e shqyrtimit nga Gjykata e Lartë të vendimit të Gjykatës së Shkallës së Parë Durrës, lidhur me betimin.

Ai thotë se është një zvarritje e paprecedent me pasoja shumë të rënda për Komunitetin e Himarës.

“Këto zvarritje e paprecedent me pasoja shumë të rënda për Komunitetin e Himarës, zgjedhësit dhe banorët që presin ndryshimin në qeverisjen lokale, e shprehur kjo me vullnet të  lirë nëpërmjet votës, po mbahet peng pa asnjë referencë ligjore.”, tha Beleri.

Sipas tij përmes zgjetjes së këtij procesi gjyqësor po i zgjatet jeta Kryetarit të Bashkisë më të  korruptuar dhe të urryer nga populli i Himarës në 30 vite pluralizëm.

“Këta gjyqtarë që neglizhojnë afatet procedurale dhe deformojnë ligjin, për fat të keq të ndodhur edhe në majën e sistemit të drejtësisë në Shqipëri si anëtarë të Gjykatës së Lartë, në fakt janë duke i zgjatur jetën Kryetarit të Bashkisë më të  korruptuar dhe të urryer nga populli i Himarës në 30 vite pluralizëm.”, shprehet Beleri.”, thotë ai.

Sipas tij segmente të drejtësisë janë vënë në shërbim të politikës dhe në mbrojtje të sistemit të korruptuar të qeverisjes lokale në Himarë.

“Këto “harresa” me  dosjen time, përfshirë këtu edhe vendimet e mëparshme krejtësisht absurde dhe te pa bazuara në ligj, në kundërshtim me  parimet bazë të sanksionuara në Kushtetutë  ku  Sovraniteti në Republikën e Shqipërisë i përket popullit dhe  populli e ushtron sovranitetin nëpërmjet përfaqësuesve të tij ose drejtpërdrejtë, vendime  që më kanë mohuar të drejtën që sovrani ma ka dhënë me votë, kanë vetëm një shpjegim: segmente të drejtësisë janë vënë në shërbim të politikës dhe në mbrojtje të sistemit të korruptuar të qeverisjes lokale në Himarë. Dua t’ju kujtoj të gjithëve ju se kjo beteje ligjore nuk është për mua si individ e as për postin e Kryetarit të Bashkisë, por për  Himarën, votën e lirë dhe demokracinë!”, shprehet kandoidati që fitoi zgjedhjet në Bashkinë Himarë./ CNA





Lajmet e fundit nga