web counter
LEXO PA REKLAMA!

SHKARKO APP

App Store
Google Play

Lorik Cana telefonon Ramën "live" në emision/ Kryeministri bën batuta: Thashë se do më pyesje a je gjallë

29 Tetor 2023, 14:25, Aktualitet CNA

Lorik Cana telefonon Ramën "live" në emision/ Kryeministri

Ish-kapiteni i Kombëtares, Lorik Cana, ka telefonuar mbrëmjen e djeshme në emision "live" kryeministrin Edi Rama.

Telefonata ishte një nga sfidat që vëllezërit Romeo dhe Donald Veshaj i dhanë në emisionin e tyre Lorikut, i cili duhet t’i thonte Ramës se e mori padashje.

Kreu i qeverisë nuk ngurroi që t’ia hapte telefonin Lorik Canës dhe mes tyre nuk munguan batutat.

Donaldi e shfrytëzoi këtë rast që t’i bënte kryeministrit një ftesë për emision, por ai e refuzoi duke bërë batuta.

Pjesë nga biseda:

Rama: Alo!

Cana: Kryeministër, më fal se i rashë pa dashje.

Rama: Ou, thashë se u kujtove njëherë të thuash ore si ke qenë, a je gjallë a s’je gjallë?

Donaldi: Jemi "live" zoti kryeministër, të përshëndesim.

Cana: Jam me Donaldin dhe Romeon në emision dhe isha duke zgjedhur disa gogla dhe nga ato që të bien aty duhet t'i bësh. Të mora, u përgjigje, ti e mbylle punën tënde jashtëzakonisht mirë.

Rama: Kjo do dalë në emision?

Cana: Absolutisht po. E vërtetove që nuk të kërkoj ndere, ti nuk më kërkon ndere dhe jemi me plot respekt për njëri-tjetrin.

Rama: Ti ma more nderin pa ma kërkuar, sepse nuk telefonove me thënë si je.

Cana: Kur ma japin një sfidë dhe e jap fjalën që e bëj, jam i detyruar ta bëj.

Rama: Bashkë me ata të lodhurit e Vlorës aty.

Donaldi: Loriku, me Donaldin po flet, nuk të kërkon ndere as s’ka kërkesa për ty.

Rama: Nuk ka nevojë ta saktësosh se njësoj jeni ju. Shyqyr që njëri u martua të paktën.

Donaldi: Faleminderit, jeni i ftuar në dasmë. Duam të bëjmë një ftesë tani për emision "live".

Rama: Ti martohu njëherë pastaj flasim.

Donaldi: Nuk po ju mbajmë më gjatë se e dimë që keni shumë punë.

Rama: Nuk janë të gjithë pa punë si ti me Lorikun.

Cana: Tani e mbylle si duhet./ CNA





Lajmet e fundit nga