web counter
LEXO PA REKLAMA!

SHKARKO APP

App Store
Google Play

Të vërtetat për Alberto Presezzi-n/ Dokumentet e dorëzuara nga Belind Këlliçi në SPAK

28 Tetor 2023, 18:15, Aktualitet CNA

 

Të vërtetat për Alberto Presezzi-n/ Dokumentet e dorëzuara
Altin Dumani

Ish-deputeti Belind Këlliçi i dërgoi një informacion të detajuar drejtuesit të SPAK Altin Dumanit më 18 tetor 2023. Ky informacion u dorëzua dy ditë përpara se të zhvillohej takimi pranë agjensisë së pasurive të sekuestruara me pronarët e inceneratorit të Tiranës.

Në shkresë Këlliçi i jep informacion të detajuar Dumanit sesi shtetasit Alberto Presezzi dhe të tjerë kanë mashtruar në deklarimet e tyre përpara prokurorëve Italianë dhe si gënjyen për takimet e kryera në disa shtete mes aksionerëve.

Bashkëlidhur asaj shkrese Këlliçi i vuri në dispozicion SPAK dhe shkresën e parë me të cilën ka filluar e gjithë procedura për dhënien e koncensionit për inceneratorin e Tiranës, shkresë që prokurori i dosjes Arben Kraja nuk e ka gjetur në Ministrinë e Mjedisit dhe as nuk është munduar ta kërkojë në Bashkinë e Tiranës.

Këlliçi informoi Dumanin duke i vënë në dispozicion edhe komunikim shkresor midis ministrit Lefter Koka dhe Arben Ahmetaj, ku Koka garanton Ministrin e financave që kompania do të investojë me kapital aksioner 100.5 milionë euro pasi njëri nga investitorët ishte Paul Ëurth Italia. E vërteta qëndron ndryshe pasi kompania e huaj është përdorur thjeshtë si “presta nome” pasi është larguar si aksioner pa u mbyllur viti 2017. Për më gjatë, sot, po ju vendosim në dispozicion shkresën. Theksohet pika që bashkëpunëtorët e këtyre janë njerëz nën hetim dhe në Shqipëri si të lidhur me NDRAHGETA-n

Ish deputeti Kelliçi kërkon urgjent anullimin e kësaj kontrate.





Lajmet e fundit nga