web counter
LEXO PA REKLAMA!

SHKARKO APP

App Store
Google Play

Ish këshilltari i Xhaçkës, strumbullari i grabitjes së 2.4 milionë eurove/ Lidhja me Olsi Ramën

28 Tetor 2023, 14:02, Aktualitet CNA

Ish këshilltari i Xhaçkës, strumbullari i grabitjes së 2.4

Ish-kryeministri Sali Berisha, në bashkëbisedim me qytetarët ka treguar për lidhjet e Olsi Ramës me Amant Josifin, duke thënë se është ortak me njeriun që ëshët akuzuar nga drejtësia evropiane si strumbullari i grabitjes së 2.4 milioën eurove përmes kompanive të tij të call centerave.

Beriaha tha se Amant Josifi ishte në Shqipëri dhe SPAK nuk lëshoi në urdhër arresti për të duke e përcjellë në Dubai.

Tashmë thekson ish-kryeministri se paratë e Dubait po investohen në Durrës nga klani Rama.

Kështu ish kryeministri denoncoi dhe njëherë se Rama po vjedh duke favorizuar familjarët e tij.  

“Olsi Rama, ortak i Amant Josifit. Amant Josifi është i akuzuar nga drejtësia evropiane si strumbullar i grabitjes së 2.4 milionë eurove me kompaninë e tij Call-Center.

Amant Josifi ishte këtu, kishte urdhër-arresti për të, e përcollën në Dubai dhe paratë e Dubait po investohen tani në Durrës nga klani Rama.

 SKAP-i i partisë nuk lëshoi një urdhër arresti për Amant Josifin, sikur krimi të kishte ndodhur në Tanganika dhe jo në Call-Centerat e Tiranës.

Edi Rama nuk e pranon konfliktin e interesit sepse sarajet e tij me 720 metra gjatësi, i ka të ndërtuara në një kohë kur ka deklaruar gjithsej 3800 euro dhe 400 mijë lekë.

E shoqja tha se i ndërtoi me paratë e Kurbanit. Paratë e Kurbanit nuk ekzistojnë në tatime. Rama më vonë tha se e ndërtoi me para emigracioni. Po nga i solle paratë, të zbritën nga qielli? Paratë lëvizin me banka, lëvizin me rregulla, me fatura.

Për të gjitha këto dhe vjedhje të tjera, Edi Rama refuzon komisionet”, tha Berisha./ CNA





Lajmet e fundit nga