Papa Françesku pret në Vatikan ish të përndjekurit/ Ndregjoni: Vizitë historike, një lumturi e papërsëritshme

27 Tetor 2023, 21:47, Aktualitet CNA

Papa Françesku pret në Vatikan ish të përndjekurit/

Besim Ndregjoni, aktivist me Papa Françeskun

Papa Françesku ka pritur në Vatikan një përfaqësi të ish-të përndjekurve politikë. Kreu i selisë së Shenjtë kishte rezervuar një pritje për të mbijetuarit e diktaturës komuniste të Shqipërisë.

Delegacioni i ish të përndjekurve Politikë kryesohet nga aktivisti i të Drejtave dhe Lirive të Njeriut, president i Unionit Mbarëkombëtar Integrimit të të Burgosurve dhe të Përndjekurve Politikë të Shqipërisë, zoti Besim Ndregjoni.

Ky i fundit tregon për CNA takimin me Atin e Shenjtë.

Papa Françesku pret në Vatikan ish të përndjekurit/

“Takimi ishte shumë i përzemërt, Papa falenderoi qëndrimin tonë paqësor dhe përçues të paqes, drejtësia duhet t’i dënojë krimet e komunizmit.

U njoh me krimet makbare të komunizmit dhe qëndresën tonë ndaj diktaturës, bekoi dhe kërkoi respekt e vëmendje ndaj të mbijetuarve të diktaturës.

Ne i dorëzuam hartën dhe bilancin e krimeve të komunizmit”, tha Ndregjoni për CNA.

Ndregjoni tregon se takimi ishte impresionues , ndërsa e përshkruan si një lumturi që vjen vetëm njëhër në jetë.

Papa Françesku pret në Vatikan ish të përndjekurit/

“Takimi zgjati rreth 50 minuta , ishte një lumturi që nuk vjen shpesh në jetë.

Papa bekoi kombin shqiptar, ne të mbijetuarit e diktaturës dhe të gjithë të përndjekurit politik dhe sakrificën tonë ndaj diktaturës. Ai tregoi një kujdesje dhe respekt dhe vëmendje ndaj nesh si përçues të paqes dhe jo urrejtes. Pa dënuar krimet e komunizmit, martirët nuk gjejnë qetësi, tha papa.Hakmarrje jo drejtësi po” , u shpreh Ndregjoni.

Përfaqësuesi i ish të-përndjekurve politikë e cilëson vizinë në Vatikan historike, në një periudhë kohore ku klasa dhe pushteti politik kërkojnë edhe nëpërmjet objekteve të rehabilitojnë diktaturën.

Papa Françesku pret në Vatikan ish të përndjekurit/

“Kjo vizitë historike tregoi vëmendjen e Papës ndaj të ish të përndjekurve politikë përballë heshtjes kriminale të politikbërjes shqiptare. Jemi i vetmi vend në Europë që s’i kemi dënuar krimet e komunizmit, jemi i vetmi vend që përbuzim viktimat dhe nderojmë xhelatët . Jemi i vetmi vend në Europë që drejtojnë shtetin bijtë e xhelatëve që kanë bërë krime.

Prandaj kjo vizite historike është një këmbanë alarmi për politikën dhe pushtetin politik që do t’i kalojë në harresë krimet e komunizmit.

Bekimi i Papa Françeskut për Kombin Shqiptar është një lumturi shpirtërore për të ndërtuar demokraci dhe paqe” , thotë më tej Ndregjoni.

Papa Françesku pret në Vatikan ish të përndjekurit/

Kujtojmë se përfaqësia e të mbijetuarve të diktaturës i bëri me dije Papa Françeskut krimin komunist që ka ndodhur në Shqipëri për 45 vjet diktaturë, si dhe i dhuroi letrën e At Patër Mëshkallës, dërguar kryeministrit sadist, Mehmet Shehut, për prishjen e institucioneve fetare dhe ndalimin e fesë, duke e shpallur Shqipërinë shtet ateist, ku populli shqiptar respektonte të tria besimet fetare./ CNA