LEXO PA REKLAMA!

SHKARKO APP

Përplasje mes aksionerëve të inceneratorëve/ Kush kërkon t'i zërë vendin Klodian Zotos?

21 Tetor 2023, 12:46, Aktualitet CNA

Përplasje mes aksionerëve të inceneratorëve/ Kush

Nënkryetari i Këshillit Bashkiak Tiranë, Dorian Teliti, sot gjatë një deklarate për mediat, bëri me dije se po përgatiten 3 padi të reja në SPAK për kryemnistrin Edi Rama dhe kryebashkiakun Erion Veliaj, duke i akzuar si “ideatorët” dhe “aktorët” kryesorë të aferës së inceneratorëve.

Gjithashtu përmendi takimin e një dite më parë të aksionerëve të inceneratorëve, të cilët kërkojnë që të sjellin 100 milionë euro, para të dyshimta për të investuar në Inceneratorin e sekuestruar të Tiranës.

Ndër të tjera në deklaratën e tij, Teliti shprehet se aksioneri Alberto Presezzi dhe Miliad Lopa kanë  ardhur për t’i zënë vendin Klodian Zotos, i cili është në kërkim për aferën korruptive.

Teliti i quan aksionerët ortakë të Veliaj dhe se ky i fundit është personi që po lëviz fijet.

"Si aksionerë të kompanisë Geogenix BV, ata kërkojnë që të sjellin në Shqipëri 100 milionë euro me burime të paqarta, për të investuar në Inceneratorin e falimentuar të Tiranës.

Për kujtesë të publikut, Lopa dhe Presezzi janë denoncuar nga Gabriele Tarrone, ortaku i këtij të fundit si bashkëpunëtorë të Erion Veliajt dhe të lidhur me Iranin.

Partia Demokratike që në fillim i ka mëshuar faktit se Inceneratori i Tiranës është kërkuar, firmosur dhe vjelë nga Erion Veliaj.
Fakti se ortakët e tij të heshtur, Lopa dhe Presezzi vijnë për t’i zënë vendin Klodian Zotos, në kërkim ndërkombëtar, tregon shumë.

Dëshmon se Veliaj lëviz fijet dhe Lopa dhe të tjerë janë vetëm bagëti të imëta në tufën e gllabëruesve të pasurisë së shqiptarëve.

Aksionerët e Geogenix BV kanë deklaruar përpara prokurorëve italianë në përgjigje të letër porosisë të dërguar nga SPAK se janë takuar me Klodian Zoton dhe Mirel Mërtirin shpesh herë gjatë vitit 2022", tha Teliti në deklaratë./ CNA

Lajmet e fundit nga