web counter
LEXO PA REKLAMA!

SHKARKO APP

App Store
Google Play

E fundit!

x

Në prag të vizitës së diplomatëve/ Kurti: Nuk mund të kemi normalizim pa siguri

20 Tetor 2023, 15:40, Aktualitet CNA
Në prag të vizitës së diplomatëve/ Kurti: Nuk mund
Kryeministri i Kosovës, Albin Kurti

Kryeministri i Kosovës, Albin Kurti, tha se nuk mund të ketë normalizim të raporteve me Serbinë, pa pasur siguri në Kosovë. Komentet Kurti i bëri gjatë një ngjarjeje në Shtime.

Ai u pyet se çfarë pritet të kërkohet nga Kosova gjatë vizitës së pesë përfaqësuesve ndërkombëtarë më 21 tetor dhe u shpreh se gjithça do të kuptohet nesër.

“Ç’ka do të ofrojnë e çka do të kërkojnë do ta marrim vesh nesër, unë mund të them që nuk mund të ketë normalizim pa siguri dhe siguria e Republikës së Kosovës duhet të jetë prioritet edhe për institucionet e shtetit edhe për popullin dhe shoqërinë. Për këtë ne punojmë ditë e natë, me krejt çka mundemi e dimë”, tha Kurti. 

Sipas tij nuk është Kosova ajo që duhet të ketë masa, por është Serbia ajo që duhet të ketë sanksione.

“Në dhjetorin e kaluar i kishim 16 barrikada në veri, me 26 dhe 29 maj të këtij viti patëm sulm mbi policinë, mbi ushtarët e KFOR-it dhe mbi ju gazetarët. Më 14 qershor patëm rrëmbimin e policëve në Leposaviq, ndërkaq më 24 shtator patëm sulm terrorist në të cilin u vra rreshteri Afrim Bunjaku. Është jetike për Kosovën, për demokracinë edhe për rajonin e Ballkanit, që ata që nuk e kanë ditur ose nuk e kanë kuptuar se kush është Serbia dhe Beogradi zyrtar më në fund ta bëjnë këtë, sepse nuk është Kosova ajo që duhet të ketë masa por është Serbia ajo që duhet të ketë sanksione”, u shpreh Kurti./ CNA





Lajmet e fundit nga