web counter
LEXO PA REKLAMA!

SHKARKO APP

App Store
Google Play

E fundit!

x

“Aksionerët mashtruan autoritetet”/ Denoncimi: Janë takuar me Mërtirin dhe Zoton në Milano, Zvicër dhe Vjenë

20 Tetor 2023, 12:45, Aktualitet CNA
“Aksionerët mashtruan autoritetet”/ Denoncimi: Janë takuar
Foto ilustruese

Ekspertët e PD-së kanë dorëzuar 653 faqe me fakte dhe prova për aferën e inceneratorëve, “trurin” e tyre Mirel Mërtiri dhe bashkëpunëtorët e tij.

Sot ish-kryeministri Sali Berisha, në një konferencë me gazetarët ka deklaruar se aksionerët e kompanisë së inceneratorëve kanë mashtruar në dëshmitë e tyre para autoriteteve italiane dhe shqiptare.

Ashtu siç edhe CNA ka raportuar më herët, aksionerët kanë deklaruar para autoriteteve se nuk i njohin Mërtirin dhe Zoton, por dokumentet e dërguara në SPAK nga ekspertët e PD-së, tregojnë se ata janë takuar me bosët e inceneratorëve dhe mbledhjet janë mbajtur në Milano, Zvicër dhe Vjenë.

“Belind Këlliçi ka denoncuar me dokumente dosjen në SPAK në të cilën fakton se këta individë të marrur në pyetje nga autoritete italiane dhe shqiptare kanë mashtruar si autoritetet italiane ashtu dhe ato shqiptare pasi grupi i ekspertëve që punon me Këlliçin kanë në dorë dokumente origjinale që faktojnë të kundërtën e asaj që kanë deklaruar Tossi dhe Pressezi tek autoritetet.

Sipas tyre nuk njohin Zoton dhe Mërtirin ndërkohë që dokumentet e dorëzuara në SPAK tregojnë se ata janë takuar me Mërtirin dhe Zoton në 2022.

Ndërkohë që Zoto në 2021 ishte person në kërkim.

Takimet, mbledhjet, janë zhvilluar në Milano, Zvicër dhe Vjenë.

Këta zotërinj vijnë sot me ndërmjetësim të Erion Veliajt. Unë kam denoncuar lidhjet e Teheranit me Veliajn. Këta kanë gjetur nga burime 100 milionë euro borxh dhe fitojnë 25 milionë euro bonus dhe këto aksionerë do t’i kthejnë paratë sërish Mërtirit dhe Veliajt.

Mërtiri thonë se nga Vjena ka kaluar në Holandë, madje thuhet se ka gjetur strehë.

Këtu janë të gjitha dëshmnitë.

Këto janë zhvillime të tjera në aferën e shekullit ku Rama dhe Veliaj po bëjnë gjithçka të mbeten pronarë të saj.

Veliaj dhe Edi Rama po bëjnë gjithçka. Sot takimin e kanë në orën 13:00. Mund të ndryshojnë vendndodhjen pas lajmit. Lajmi është shumë i vërtetë”, tha Berisha./ CNA





Lajmet e fundit nga