web counter
LEXO PA REKLAMA!

SHKARKO APP

App Store
Google Play

SPAK vë në hetim biznesmenin/ Dyshime për aferë me ish zv.kryeministrin, partnerët dorëzojnë provat

20 Tetor 2023, 07:32, Aktualitet CNA
SPAK vë në hetim biznesmenin/ Dyshime për aferë me ish
Foto ilustruese

"WebLajm" mëson ekskluzivisht se SPAK po heton biznesmenin Lirim Fejzollari për dyshime se ky i fundit është përfshirë në afera me ish-nr.2 të qeverisë, Ahmetaj, sot në arrati.

Pak ditë më parë SPAK mori të pandehur për të dytën herë Arben Ahmetaj, akuzë e cila lidhej me privatizimin e ish-kompanisë me aksione shtetërore "Buka sh.a".

Nga hetimet e SPAK-ut ky privatizim është përfituar nga biznesmeni Fejzollari, i cili më pas ka ndërtuar një qendër tregtare.

Burime nga grupi hetimor sqaruan për "Weblajm" se ndër hetime ka rezultuar se Ahmetaj dhe biznesmeni kanë disa kominikime mes tyre e po ashtu edhe udhëtim jashtë vendit me të njëjtin avion me destinacion Vjenën. Ky udhëtim, sqaruan burimet, po verifikohet edhe në Vjenë me letërporosi.

Pak ditë më parë kanë qenë shërbimet partnere ato që kanë dorëzuar në SPAK një material voluminoz për biznesmenin dhe dyshimet se ai ka ortakëri me ish-zv.kryeministrin. Ortakëri kjo sipas materialeve të dorëzuara në SPAK me kompani të fshehura në emër të personave të tjerë. Aktualisht SPAK-u ka sekuestruar materiale pranë hipotekës në lidhje me transaksionet në rezidencën e ndërtuar mbi ish-truallin e "Buka sh.a".

Po ashtu SPAK-u ka kërkuar nga noterët të gjitha kontratat e sipërmarrjes dhe shitjeve të kryera nga kompania e biznesmenit Fejzollari. Për këtë hetim që ndiqet nga prokurori Elvin Gogaj është marrë në pyetje edhe Ahmetaj para arratisjes e po ashtu edhe biznesmeni.

Pritet që pas pak ditësh ndaj biznesmenit të ketë një tjetër flett thirrje për t'iu përgjigjur provave të mbërritura nga partnerët./Weblajm





Lajmet e fundit nga