web counter
LEXO PA REKLAMA!

SHKARKO APP

App Store
Google Play

E fundit!

x

Laboratorët e teknologjisë/ Zoran Milanoviç viziton shkollën e ndërtuar nga qeveria kroate në Kamëz

19 Tetor 2023, 15:34, Aktualitet CNA
Laboratorët e teknologjisë/ Zoran Milanoviç viziton
Foto nga vizita

Presidenti i Republikës së Kroacisë, Zoran Milanoviç, ndodhet në Shqipëri, ku së bashku me ministren e Arsimit dhe Sportit, Ogerta Manastirliu, kryetarin e Bashkisë Kamëz, Rakip Suli, dhe përfaqësuesen e përhershme të UNDP në Shqipëri, Monica Merino, kanë vizituar nga afër laboratorin e ri të teknologjisë së informacionit, financuar nga qeveria kroate, në shkollën e re 9-vjeçare "Ahmet Zogu" në Kamëz.

Milanoviç dhe Manastirliu nënvizuan rëndësinë e investimeve në arsim, që u shërbejnë gjeneratave të ardhshme.

"Jam vërtetë i lumtur dhe i emocionuar kur shoh që paratë e popullit kroat janë përdorur për një mision fisnik, që t'i bëjmë të rinjtë më të mirë, më të ditur dhe më të gatshëm për sfidat e sotme", - tha Presidenti i Kroacisë Milanoviç.

Manastirliu, i shprehi mirënjohjen Presidentit të Kroacisë, për solidaritetin e treguar dhe ndihmën e dhënë për investimet në arsim, pas tërmetit të 26 nëntorit 2019.

"Dua që të falënderoj përzemërsisht popullin kroat, Presidentin, për gjithë mbështetjen që na kanë dhënë, qoftë në rikonstruksionin e shkollave apo qoftë edhe në 8 laboratorët që kanë investuar në 6 bashkitë tona. Një investim në arsim, është një investim që zgjat gjithmonë në breza",- tha ministrja e Arsimit dhe Sportit, Ogerta Manastirliu./ CNA





Lajmet e fundit nga