web counter
LEXO PA REKLAMA!

SHKARKO APP

App Store
Google Play

E fundit!

x

Parlamenti refuzoi Komisionet Hetimore të propozuar nga opozita/ Bushka: E drejta e tyre nuk është e pakufizuar

18 Tetor 2023, 20:47, Aktualitet CNA
Parlamenti refuzoi Komisionet Hetimore të propozuar nga opozita/ Bushka: E
Deputetja e Partisë Socialiste, Klotida Bushka

Deputetja e Partisë Socialiste, Klotida Bushka ka folur lidhur me refuzimin nga parlamenti të ngritjes së Komisioneve Hetimore të propozuara nga opozita.

Bushka tha se e drejta e opozitës për të kërkuar një komision hetimor, është një e drejtë kushtetuese, por nuk është e pakufizuar.

Në një intervistë ajo u shpreh se propozimi duhet të jetë brenda kufijve kushtetues, duhet të jetë për një çështje e caktuar, duhet të respektojë disa parime të ndarjes dhe balancimit të pushteteve, dhe duhet të jetë sipas disa kritereve.

“Nëse ju mendoni se kontrolli parlamentar bëhet vetëm me Komisione Hetimore, kjo nuk është e saktë. Në të gjitha komisionet e Kuvendit, sipas fushës së përgjegjësisë së vet, të gjithë bëjnë kontrollin parlamentar, të nismave të qeverisë, të mënyrave sesi zbatohen ato nisma, të institucioneve të pavarura, kemi kontrollin post legjislativ, kemi monitorimin direkt nëpër institucione, me pyetje drejtuar institucioneve, me analizë të raportit vjetor përkatës të këtij institucioni. Ne marrim raporte vjetore të institucioneve, për ata që e kanë detyrë në ligj, i dërgojnë vetë brenda një afati. Ne kemi të drejtë t’i kërkojmë ato raporte. Nga raportet dalin problematika, të cilat kuptohet edhe nga janë shkaqet, vijnë shkaqet nga mos zbatimi i duhur, vijnë shkaqe nga mungesa në legjislacion, të gjitha këto mund të plotësohen edhe me pyetje shtesë, me dëgjesa në komision.

Opozita, jo vetëm në Shqipëri, që ne e kemi të parashikuar në kushtetutë dhe ligj, të gjithë gamën e mekanizmave parlamentarë të kontrollit parlamentar, nuk ka vetëm Komisionet Hetimore. Sa i takon Komisioneve Hetimore, ne kemi pranuar disa Komisione Hetimore. Politikisht, kjo mazhorancë i ka pranuar një të drejtë opozitës, për të ngritur komisione hetimore në të ardhmen. E drejta e opozitës për të kërkuar një Komision Hetimor, është një e drejtë kushtetuese, por nuk është e pakufizuar. Duhet të jetë brenda kufijve kushtetues, duhet të jetë për një çështje e caktuar, duhet të respektojë disa parime të ndarjes dhe balancimit të pushteteve, dhe duhet të jetë sipas disa kritereve”, tha Klotida Bushka .





Lajmet e fundit nga