web counter
LEXO PA REKLAMA!

SHKARKO APP

App Store
Google Play

E fundit!

x

Qindra miliona lekë nga qeveria dhe Bashkia Tiranë për televizionin e ortakëve të inceneratorëve

18 Tetor 2023, 12:52, Aktualitet CNA
Qindra miliona lekë nga qeveria dhe Bashkia Tiranë për
Foto ilustruese

"Top Channel", nëpërmjet fondacionit "Dritan Hoxha", ka përfituar qindra miliona lekë nga taksat e shqiptarëve, në formë projektesh, dhënë nga institucione të ndryshme.

Janë të paktën 500 milionë lekë të dhëna fondacionit "Dritan Hoxha" nga institucione të ndryshme të qeverisë shqiptare në këto vite.

CNA ka marrë informacion të detajuar zyrtar nga institucionet të cilat konfirmojnë këto pagesa, në krye qëndron Ministria e Kulturës dhe Bashkia Tiranë.

Qindra miliona lekë nga qeveria dhe Bashkia Tiranë për

Fondacioni "Dritan Hoxha" ka përfituar pagesa nga institucione buxhetore të cilat CNA i sjell të detajuara si më poshtë:

Ministria e Kulturës 3 pagesa në vlerën 5.400.000 lekë për emisionet "Pushime on Top", "Trashëgimia".

Ky institucion, në përgjigjen zyrtare kthyer ndaj CNA-së, deklaron se ka paguar vetëm një shumë për vitin 2023, por në fakt kjo ministri ka kryer edhe pagesa të tjera që lidhen direkt apo indirekt me "Top Channel".

Bashkia Tiranë konfirmon se ka kryer 11 pagesa në vlerën 33.000.000 lekë për emisionin "Ora e Tiranës", në "Top Media" ka dhe pagesa për emisione të tjera. Pagesa nga bashkia dhe më pas zyrtarët e saj dhe kryebashkiaku Erion Veliaj bllokojnë ekranin me propagandë që ua kalon dhe mashtrimeve për inceneratorët. 


AIDA ka kryer 2 pagesa në vlerën 8.000.000 lekë për emisionin "START UP" dhe në këtë emision ka dalë vetë ministrja e linjës për të folur. Pra, paguhen mediat nga qeveria që të dalin të flasin ministrat.

Bashkia Tiranë gjithashtu ka krye 2 pagesa në vlerën 13.810.000 lekë për "Top Awards".

Ministria e Kulturës ka kryer 4 pagesa 2.194.500 "Top Award" + projekt i paspecifikuar.

Bashkia Sarandë nuk ka munguar në listën e atyre që hedhin para për "Top Channel", një pagesë në vlerën 500.000 lekë për "Summer Fest".

Nuk i kanë shpëtuar as lekët e vogla "Top"-it. Qendra Ekonomike e Kulturës (Bashkia Pogradec) konfirmon një pagesë në vlerën 200.000 lekë.

Qendra Kulturore “A.Moisiu” Durrës, e ka rritur vlerën në 750.000 lekë në një pagesë.

"Top Channel", media në ortakëri me njerëzit e inceneratorëve dhe në shërbim të tyre.

Televizioni që përdoret si marionete kundër prokurorëve të SPAK-ut për të devijuar hetimet dhe fshehur të vërtetën.

Media që është akuzuar si gjobaxhie, pikërisht nga ata që bënin këto emisione dhe strehohen të rikthyer nën çadrën djegëse të "Top News", ka marrë qindra miliona lekë nga qeveria shqiptare dhe Bashkia Tiranë që kryesojnë listën e pagatorëve për ortakët, televizionin e ortakëve të inceneratorëve dhe shërbëtorëve të tyre./ CNA

 





Lajmet e fundit nga