web counter
LEXO PA REKLAMA!

SHKARKO APP

App Store
Google Play

E fundit!

x

Goditja ndaj krimit, reformat dhe sulmet kibernetike/ Rrumbullaku, takim me ndihmës sekretarin amerikan të Shtetit

17 Tetor 2023, 18:23, Aktualitet CNA

Goditja ndaj krimit, reformat dhe sulmet kibernetike/ Rrumbullaku, takim me

Drejtori i Përgjithshëm i Policisë, Muhamet Rrumbullaku, mbajti një takim shumë të rëndësishëm nga Ndihmës Sekretari i Shtetit i SHBA-së, Ambasadori Todd Robinson, i cili njëkohësisht drejton Zyrën Ndërkombëtare për Çështjet e Narkotikëve dhe Zbatimit të Ligjit (INL).

Në fillim të takimit, Robinson u shpreh se ndihej i lumtur që priste një partner të besueshëm nga institucionet shqiptare të zbatimit të ligjit, me të cilat kanë të njëjtat interesa dhe ndajnë të njëjtat qëllime, përfshirë këtu integrimin e Shqipërisë në BE.

Rrumbullaku e informoi zyrtarin amerikan për zhvillimet e viteve të fundit, rezultatet e reformave, si në drejtësi ashtu edhe në agjencitë e tjera të zbatimit të ligjit, siç është Policia e Shtetit.

“Operacionet e suksesshme të Policisë së Shtetit, të realizuara në bashkëpunim dhe me mbështetjen e SPAK-ut dhe të Prokurorive të Juridiksionit të Përgjithshëm, kanë mundësuar goditjen e grupeve kriminale të trafikimit dhe shpërndarjes se lëndëve narkotike, në mënyrë konsistente, me tolerancë zero ndaj çdo aktiviteti kriminal që zhvillohet, qoftë në Shqipëri apo jashtë kufijve të saj”, tha drejtori i Policisë së Shtetit.

Goditja ndaj krimit, reformat dhe sulmet kibernetike/ Rrumbullaku, takim me

Gjithashtu, ai u ndal edhe te sulmi kibernetik i Iranit ndaj Shqipërisë.

“Pas sulmit kibernetik të shtatorit të 2022, të gjitha sistemet e Policisë së Shtetit tashmë janë ringritur dhe operojnë me kapacitet të plotë” u shpreh ai.

Drejtori i Përgjithshëm theksoi se lufta kundër korrupsionit në të gjitha nivelet e administratës, përfshirë këtu pastrimin e radhëve të Policisë, nga oficerë të kompromentuar, përben një prioritet po aq të rëndësishëm. Këtu ai nënvizoi bashkëpunimin mjaft të mirë me SPAK-un, duke u shprehur se tashmë janë në hetim disa raste të korrupsionit, të cilat priten të finalizohen në një të ardhme të afërt.

Drejtori i Përgjithshëm i Policisë vlerësoi bashkëpunimin shumë të mirë me ekspertet e DEA-s dhe të FBI-së, mbështetja e të cilëve ka mundësuar zbulimin e ngjarjeve të renda kriminale dhe goditjen e “baronëve” të drogës, të cilët operonin të paprekur në Shqipëri dhe jashtë saj gjatë 20 viteve të fundit./ CNA





Lajmet e fundit nga