E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

"Nxënës i jashtëzakonshëm”, Lorik Cana i mësoi shqip presidentit Macron/ Ja për çfarë e pyeti presidenti gjatë udhëtimit

17 Tetor 2023, 16:08, Aktualitet CNA

"Nxënës i jashtëzakonshëm”, Lorik Cana i

Një nga momentet më të bukura të mbrëmjes së djeshme ishte dollia që presidenti francez, Emmanuel Macron, ngriti në gjuhën shqipe për Shqipërinë dhe popullin shqiptar.

Fjalët që presidenti tha ia ka mësuar futbollisti i njohur Lorik Cana.

Ai ka treguar se ishte i ftuar për të marrë pjesë në delegacionin e Macron-it dhe ka udhëtuar me të nga Franca në Shqipëri.

Sipas Lorikut, Macron ishte një nxënës i shkëlqyer.

Ishte Blendi Fevziu ai i cili zbuloi këtë detaj përmes një videoje të publikuar në rrjetet sociale.

"Por kush ia përktheu fjalët nga frëngjishtja në shqip dhe kush e mësoi se si të të thoshte apo t'i artikulonte këto fraza? Ishte Lorik Cana që ia ka shkruajtur. Lorik udhëtove me avionin e presidentit Macron?" e pyet Blendi Fevziu, Lorik Canën.

"Po udhëtova me të, një eksperiencë e jashtëzakonshme, një ftesë e ardhur nga presidenti vetë për të qenë pjesë e delegacionit zyrtar francez. Macron ishte një nxënës i jashtëzakonshëm, i duheshin dy-tri herë ta lexonte edhe...", tha Lorik Cana.

Cana tregoi se gjatë udhëtimit nga Franca në Shqipëri, ai diskutoi me Macron-in për rrugëtimin e tij, ngjarjet në veri të Kosovës, gjithashtu presidenti francez ishte kurioz edhe për historinë e gjuhës shqipe, të cilën ish-futbollisti ia rrëfeu me plot krenari.