web counter
LEXO PA REKLAMA!

SHKARKO APP

App Store
Google Play

E fundit!

x

Macron vlerësim të veçantë për Korçën/ “Ruan kujtimin e çmuar të sakrificës së Francës, ju na jepni shpërblimet më të bukura”

17 Tetor 2023, 14:15, Aktualitet CNA
Macron vlerësim të veçantë për Korçën/
Presidenti i Francës, Emmanuesl Macron

Presidenti i Francës, Emmanuel Macron, gjatë vizitës zyrtare në Shqipëri ka shprehur një vlerësim të madh për qytetin e Korçës dhe rolin e saj në marrëdhënien e ngushtë mes dy vendeve.

Macron deklaroi se Korça nëpërmjet historisë së saj është simbol i një lidhje të fortë mes Francës dhe Shqipërisë.

Presidenti i Francës shtoi se lidhjet kulturore dhe arsimore kanë kontribuar në thellimin dhe forcimin e marrëdhënieve mes dy vendeve.

 “Ende sot varreza ushtarake e Korçës ruan kujtimin e çmuar të sakrificës së Francës, për pavarësinë dhe lirinë tuaj. Këto faqe që kemi shkruar bashkë, ju na jepni shpërblimet më të bukura. Një frankofoni dhe një frankofili e gjallë dhe e veçantë. E në periudhën totalitare frëngjishtja ishte gjuha e huaj që mësohej më shumë në shkollat shqiptare. Frymëmarrje apo shpresë, të gjithë ata që aspirojnë për liri.

Liceu i Korçës i themeluar dikur nga Franca ishte gjithashtu një simbol shumë i fortë i kësaj. Aleancat franceze, gjimnazet, licetë, që përfaqësohen nga shumë profesorë këtu vazhdojnë ta përjetësojnë këtë lidhje. Kur Shqipëria ishte përsëri e lirë, Franca ishte vendi i parë që nënshkroi me të traktatin e Mirëkuptimit dhe Bashkëpunimit me 12 dhjetor 1994, duke vulosur karakterin e veçantë dhe forcën e rigjetur të marrëdhënies sonë”, deklaroi Macron./ CNA





Lajmet e fundit nga