E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

FOTOT-Shiu dhe vizita e Macron-it kthejnë Tiranën në kolaps rrugor

17 Tetor 2023, 14:06, Aktualitet CNA

Foto ilustruese

Samiti i Porcesit të Berlinit në Tiranë dhe zgjatja e vizitës së Presidentit të Francës, Emmanul Macron, edhe ditën e sotme ka krijuar një kaos në kryeqytet.

Disa nga akset më kryesore të kryeqytetit janë bllokuar nga trafiku.

Varg kilometrik makinash është krijuar në qendër të qytetit, në hyrje të autostradës Tiranë-Durrës si dhe në bulevardin "Zhan D’ark".

Ashtu siç mund të shihet edhe nga fotot, qindra automjete kanë mbetur në trafik duke krijuar kështu një ngarkesë në kryeqytet.

Kjo për shkak edhe të motit me shi ditën e sotme.

Një ditë më parë u mbajt samiti i Procesit të Berlinit dhe Policia e Shtetit kishte marrë masa duke bllokuar akset më kryesore të kryeqytetit.

Rrugët që u bllokuan një ditë më parë për shkak të samitit ishin:

•Rinas – Mbikalimi i Kasharit – autostrada “Durrës – Tiranë” – ish-sheshi “Shqiponja” – Unaza e Tiranës - rrethrrotullimi i Saukut – rrethrrotullimi pranë Akademisë së Sigurisë – Pallati i Brigadave – rrethrrotullimi i qytetit “Studenti”, deri tek kryqëzimi me bulevardin “Bajram Curri”;

•Bulevardi “Bajram Curri”, nga kryqëzimi me rrugën “Ibrahim Rugova”, deri te Rruga e Elbasanit (ky ndalim vlen për të gjitha llojet e mjeteve);

•Bulevardi “Dëshmorët e Kombit”, nga kryqëzimi me bulevardin “Zhan D’Ark” deri te sheshi “Nënë Tereza”;

•E gjithë rruga “Papa Gjon Pali II”;

•Rruga “Ismail Qemali”, nga kryqëzimi me Rrugën e Elbasanit, deri te kryqëzimi me rrugën “Ibrahim Rugova”.

Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”./ CNA