web counter
LEXO PA REKLAMA!

SHKARKO APP

App Store
Google Play

Artan Hoxha: Tentativa e dështuar me censin në zonat me minoritarë grekë

16 Tetor 2023, 23:04, Aktualitet CNA
Artan Hoxha: Tentativa e dështuar me censin në zonat me
Gazetari Artan Hoxha

Gazetari Artan Hoxha foli për censin e popullsisë në zonat me minoritarë grekë, siç janë Finiqi, Dropulli dhe Himara.

Ai deklaroi se censi ishte një nga arsyet se përse Fredi Beleri kërkonte të dilte me ngulm nga burgu.

Hoxha tha në emisionin e Ylli Rakipit se përpjekja për të manipuluar censin dështoi, pasi sipas tij rezultati mund të ndryshohej duke pasur kontakt sy më sy me punonjësin e INSTAT.

"Aty duhet të deklarohen rreth 300 vetë më shumë se ç’janë dhe Himara fiton të drejtën e zonave që kanë të njëjtat favore, që ka edhe zona e Finiqit, Dropullit, që drejtohet nga të zgjedhur të pakicës kombëtare greke në Shqipëri. Në fakt, një nga shkaqet që u kërkua me insistim që Fredi Beleri ta bënte betimin, është edhe kjo gjë.

Në momentin që Fredi Beleri do të bënte betimin si kryetar bashkie, do të qëndronte në burg, do të autorizonte një nga nënkryetarët e bashkisë. Është rasti i kryetarit të bashkisë së Vorës, Kajmaku, që e proceduan, por ai emëroi një nënkryetar dhe ai u bë problem edhe për mazhorancën derisa u bënë zgjedhje të re.

Me ligjin që kemi bërë ne për censusin, ato grupet në terren i vendos pushteti vendor. Në Finiq dhe Dropull që e kam ndjekur, të gjithë grupet në terren i kanë zgjedhur kryetarët e bashkive të minoritetit atje, monitoruesit thonë nga qendra i kemi ne.

Nëse ke atë në terren që mbush formularin, ai është njeriu që kontakton sy më sy. Kjo ishte përpjekje që u tentua të bëhej, dështoi. Nuk mendoj se kryetari që është aktualisht, ka bërë çfarë kanë dashur nga përtej kufirit, por edhe ndonjë rezistencë të madhe nuk besoj. Jam kurioz si do të dalin të dhënat e censusit në Himarë, sepse është një nga zonat më nevralgjike dhe disa nga pyetjet, që janë future në këtë formular, janë pyetje që do të na krijojnë problem për vitet në vazhdim", deklaroi gazetari./ CNA





Lajmet e fundit nga