web counter
LEXO PA REKLAMA!

SHKARKO APP

App Store
Google Play

Studentët e Filologjikut bojkotojnë mësimin dhe protestojnë/ “Qeveria nuk po u përmbahet kontratave”

17 Tetor 2023, 10:20, Aktualitet CNA

Studentët e Filologjikut bojkotojnë mësimin dhe protestojnë/

Studentët e Fakultetit të Historisë dhe Filologjisë kanë bojkotuar mësimin dhe janë ngritur në protestë para ambienteve të Universitetit.

Studentët akuzojnë qeverinë për mospërmbushje të kontratës në të cilën thuhet se çdo student i lëndëve prioritare do të kenë një financim prej 40 mijë lekësh.

Studentët pretendojnë se shifra është reduktuar dhe nga ajo do të mund të përfitojnë vetëm studentët me mesatare të lartë.

Po ashtu një kusht tjetër të cilit qeveria nuk i është përmbajtur, sipas studentëve, është kontrata, e cila parashikon se nëse për 6 vite, studentët e lëndëve prioritare (Bujqësia, disa inxhinieri, Turizmi, Mësuesia) nuk e kanë gjetur një vend pune, atëherë kanë të drejtën të tërheqin diplomën.

"Ne kemi vendosur të protestojmë për arsyen e kushteve që nuk janë mbajtur në fillim. Ne na është thënë që studentët, pavarësisht mesatares, për degët që vlerësohen si prioritare do të marrin 40 mijë lekë të rinj, por kjo nuk është dhënë. Pjesa tjetër është kontrata, për 3 vite për të punuar në Shqipëri, po pse studenti duhet të firmosë patjetër një kontratë sepse përderisa është në degët prioritare dhe ne e dimë për shembull që do kontribuojmë për vendin tonë, pse duhet të firmosim një kontratë, ndërkohë që nga 3 vite që kishin thënë, tani e kanë bërë 6. Studentët pretendojnë se paga do t'u jepet nëse kanë mesatare mbi 9.5, që shumica thonë nuk e kanë, do duhet që njëjtë si Mjekësia të qëndrojmë 6 vite pas studimeve e të mos kenë mundësi të marrin diplomën. Nga këto 6 vite, vetëm për 3 u mundësohet punë," tha një studente./ CNA





Lajmet e fundit nga