web counter
LEXO PA REKLAMA!

SHKARKO APP

App Store
Google Play

E fundit!

x

A është e frikësuar?/ Përgjigjet ambasadorja Kumbe: Kam dhomë sigurie komplet prej betoni

18 Tetor 2023, 22:48, Aktualitet CNA
A është e frikësuar?/ Përgjigjet ambasadorja Kumbe: Kam
Ambasadorja shqiptare në Izrael, Meri Kumbe

Ambasadorja shqiptare në Izrael, Meri Kumbe, gjatë këtyre ditëve të luftës ndodhet në Tel Aviv.

Teksa foli për situatën e krijuar nga luftimet Izrael – Hamas, Kumbe foli edhe për sigurinë e saj.

Diplomatja shqiptare tha se në banesën ku jeton ka një dhomë sigurie rreth 3 metra katrorë, e cila është komplet prej betoni dhe ka derë të blinduar.

“Pikërisht këtu në të majtën time është dhoma e sigurisë dhe uroj që të mos ndodhë, por nëse do ketë alarm do duhet patjetër që të tërhiqem dhe të futem në atë dhomë.

Kryesisht banesat e ndërtuara pas vitit ’94 kanë dhoma sigurie brenda. Janë dhoma pa dritare, me beton komplet dhe kanë një derë karakteristike të blinduar. Ato dhoma që kanë dritare, dhe dritaret janë po ashtu të blinduara, si dritarja dhe grila dhe zakonisht janë pa xham. Supozohet që nga tronditjet të limitohet mundësia për t’u dëmtuar qytetarët. Është rreth 2 metra e gjysmë ose 3 metra katrorë, është e vogël…”, u shpreh ajo.

Në një intervistë me gazetarin Blendi Fevziu, ambasadorja u pyet nëse është e frikësuar nga situata e luftës.

“Jam e qetë, e kam marrë me kurajo. I kemi dhënë kurajo të gjithë shqiptarëve këtu njëri-tjetrit. Po jam mirë. Përpiqem të bëj më të mirën të mundshme”, u përgjigj Meri Kumbe./ CNA





Lajmet e fundit nga