web counter
LEXO PA REKLAMA!

SHKARKO APP

App Store
Google Play

E fundit!

x

“Kurth politik”, Fredi Beleri akuza ndaj prokurorisë: Dëshmitari ka mashtruar, është paguar për këtë

9 Nëntor 2023, 09:27, Aktualitet CNA
“Kurth politik”, Fredi Beleri akuza ndaj prokurorisë:
Fredi Beleri

Kreu i zgjedhur i Bashkisë së Himarës, Fredi Beleri, është shprehur për televizonin grek "Open TV" se çështja ndaj tij mesa duket është një kurth politik i ngritur nga një person. Ai theksoi se dëshmitari është paguar për dëshminë e dhënë. 

“Pohimi i dëshmitarit si dhe i drejtorit të policisë se dëshmitari është paguar për dëshminë, në çdo vend demokratik do të mbyllte edhe çështjen gjyqësore. Fakti më shqetësues i seancës dëgjuese është pikërisht se u zbulua se prokuroria nuk kishte dijeni për pagesën që kishte dhënë policia”, është shprehur kryebashkiaku i zgjedhur i Himarës.

Gjatë intervistës, Beleri hodhi akuza edhe ndaj Prokurorisë, pasi sipas tij ka shkelur ligjin.

“Ata i bënë këtë nder. Dëshmitari ka mashtruar duke pretenduar se i ishte kërcënuar jeta. Prokuroria i bëri një nder që të mos i nënshtrohej presionit të publikut, duke i lejuar të dëshmojë me dyer të mbyllura”, ka thënë ai.

Fredi Beleri ka komentuar dhe vonesën e dhënies së lejes nga Gjykata e Lartë për ta lejuar të betohet si kryebashkiak i Himarës.

“Kjo formë trajtimi vërteton se këtu ndodh gjithçka tjetër përveç drejtësisë së pavarur. Fakti që nuk më japin leje dhe më mbajnë në paraburgim ka për qëllim mosmarrjen e detyrës së kryebashkiakut nga ana ime”, është shprehur Beleri./CNA

 

 





Lajmet e fundit nga