web counter
LEXO PA REKLAMA!

SHKARKO APP

App Store
Google Play

Qeveria miraton hapjen e shkollës së arsimit të mesëm të ulët në gjuhën frënge

8 Nëntor 2023, 20:23, Aktualitet CNA

Qeveria miraton hapjen e shkollës së arsimit të mesëm

Këshilli i Ministrave ka miratuar në mbledhjen e kësaj të mërkure vendimin për hapjen e një institucioni arsimor privat parauniversitar të arsimit të mesëm të ulët.

Mësimi në këë institucion do të zhvillohet në gjuhën frënge.

Më poshtë gjeni VKM-në e miratuar nga Këshilli i Ministrave.

VENDIMI PËR HAPJEN E INSTITUCIONIT ARSIMOR PRIVAT PARAUNIVERSITAR TË ARSIMIT TË MESËM TË ULËT “ECOLE INTERNATIONALE”,   KU MËSIMI ZHVILLOHET NË GJUHËN FRËNGE

Në mbështetje të nenit 100 të Kushtetutës dhe të pikës 5, të nenit 42, të  ligjit nr.69/2012, “Për sistemin arsimor parauniversitar në Republikën e Shqipërisë”, të ndryshuar, me propozimin e ministrit të Arsimit dhe Sportit, Këshilli i Ministrave

V E N D O S I:

1. Hapjen e institucionit arsimor privat parauniversitar të arsimit të mesëm të ulët “Ecole Internationale”, me kohë të plotë, i cili ushtron veprimtarinë arsimore, në adresën: Rruga Tiranë-Elbasan, km 5, Lundër, Tiranë, me numër pasurie 867/19. Në këtë institucion arsimor mësimi zhvillohet në gjuhën frënge, ndërsa lëndët “Gjuhë shqipe”, “Histori e kombit shqiptar” dhe “Gjeografi e Shqipërisë” zhvillohen detyrimisht në gjuhën shqipe.

2. Ngarkohen  Ministria  e  Arsimit  dhe  Sportit,  Drejtoria  e  Përgjithshme  e  Arsimit Parauniversitar, Drejtoria Rajonale e Arsimit Parauniversitar, Durrës, Zyra Vendore e Arsimit Parauniversitar, Tiranë, dhe institucioni arsimor privat parauniversitar i arsimit të mesëm të ulët “Ecole Internationale” për zbatimin e këtij vendimi.

 Ky vendim hyn në fuqi pas botimit në “Fletoren zyrtare”./ CNA





Lajmet e fundit nga