web counter
LEXO PA REKLAMA!

SHKARKO APP

App Store
Google Play

E fundit!

x

Komisioni Evropian rekomandon hapjen e kapitujve të parë të negociatave me Shqipërinë

8 Nëntor 2023, 16:57, Aktualitet CNA
Komisioni Evropian rekomandon hapjen e kapitujve të parë të
Komisioneri për zgjerim, Oliver Varhelyi

Komisioni Evropian ka rekomanduar hapjen e kapitujve të parë të negociatave me Shqipërinë.

Komisioni Evropian i ka rekomanduar zyrtarisht Këshillit Evropian që mblidhet me 14 – 15 dhjetor që të miratojë nisjen e shqyrtimit të kapitujve të parë të negociatave me Shqipërinë brenda fundit të këtij viti.

Komisioneri për zgjerim, Oliver Varhelyi tha se ky vendim pozitiv reflekton arritjet në reformën në drejtësi , vetingun dhe punën e SPAK.

“Procesi i shqyrtimit të legjislacionit shqiptar në muajt e fundit ka ecur pozitivisht dhe pa problem Autoritetet e Shqipërisë kanë dëshmuar një nivel të lartë përkushtimi për të realizuar kërkesat e paraqitura gjatë këtij procesi. Zbatimi i reformës gjithëpërfshirëse ka vijuar suksesshëm dhe po ashtu procesi i rivlerësimit të gjyqtarëve dhe prokurorëve i quajtur veting po ecën kënaqshëm. Struktura speciale për luftën anti korrupsion SPAK ka vijuar të arrijë rezultate konkrete në terren. Shqipëria ka dëshmuar po ashtu qasje të plotë të njëjtë me politikën e jashtme dhe të sigurisë së BE-së duke na dhënë një sinjal të fuqishëm të vendosmërisë të këtij vendi për tu anëtarësuar plotësisht në BE. Objektivi ynë është që të hapim kapitullin e parë të negociatave atë mbi çështjet themelore brenda fundit të vitit 2023 me Shqipërinë.”, tha Varhelyi.

Krahas vendimit pozitiv per Shqiperine KE hapi dritën jeshile por me kushte për negociata edhe me Ukrainën, Moldavinë , Bosnje Hercegovinën dhe Gjeorgjinë./ CNA





Lajmet e fundit nga