web counter
LEXO PA REKLAMA!

SHKARKO APP

App Store
Google Play

E fundit!

x

"Zot na ruaj nga të trullosurit"/ Reagon Ndreu: Emigrantët nuk do të bëjnë krushqi me askënd, do kthehen nga kanë ardhur

8 Nëntor 2023, 11:26, Aktualitet CNA
"Zot na ruaj nga të trullosurit"/ Reagon Ndreu: Emigrantët
Pjerin Ndreu

Kreu i Bashkisë së Lezhës, Pjerin Ndreu, ka reaguar ndaj akuzave të opozitës, por edhe komenteve në rrjet për marrëveshjen mes Italisë dhe Shqipërisë për çështjen e emigrantëve, të cilët do të strehohen në zonën e Lezhës.

Ndreu thekson se nuk do të vijnë 36 mijë persona përnjëherë, por nuk do të jenë më shumë se 3 mijë në muaj dhe do të largohen nga Shqipëria për 28 ditë. 


"Pasi lexova mareveshjen dhe rilexova me kujdes e besova se PD-istët, disa nacionaliste dhe racistë të kohëve moderne, dhe ca që nuk e kanë parë kurrë plazhin e Shëngjinit as në TV, i ka kapur një dalldi, disa me perfitu ndonjë gjë politikisht, dhe të tjerë qe patriotizmin e kujtojnë kur ftillohen se ekzistoka edhe Shëngjini në hartë! E para është e turpshme që të thuash që do na vijnë 36 ‘mijë veta përnjëherë dhe do bëhet hataja në rrugët e Shëngjinit dhe Lezhës! Për një qe di minimumin e shqipes, lexohet qartë se nuk do jenë më shumë se 3 mijë në muaj, dhe se për 28 dite largohen! Në rastin më të mirë në vit do bëhen 36 mijë, duke mbledhur për çdo muaj por që nuk do qëndrojnë në Gjadër, as në Lezhë dhe as në Shëngjin!", shprehet Ndreu. 

Ai sqaron më tej se nuk do të ketë akomodim në Shëngjin për emigrantët, por ata do të vendosen në vendqëndrimin në Gjadër dhe nuk do të dalin prej aty. Si përgjigje ndaj komenteve në Facebook, Ndreu ka nënvizuar se emigrantët nuk do bëjnë kushqi me askënd, por do kthehen nga kanë ardhur. 

"E dyta ata që vijnë nuk do kenë fare akomodim në Shëngjin dhe nuk do ketë prezencë në rrugë e askund në zonë turistike! As nuk do dalin nga vendqëndrimi në Gjadër asnjë minute e t'i trishtojë këta meraklinjtë e bardhësisë! Nuk do ia zënë vendin askujt e nuk do bëjnë krushqi me askënd! Nuk do rrinë në Lezhë, do kthehen nga kanë ardhur ose disa marrin azil! Kaq për ca që kanë hall se do mbipopullohet vendi me aziatikë dhe do ju hanë racionin, do ju ndosin shikimin rrugëve apo do ju marrin dhe fenë dhe do bëjnë shumicën e popullsisë! Zot na ruj nga këta të trullosurit e politikës së shqyer dhe fantazistet e fb!", shprehet më tej kreu i Bashkisë së Lezhës./CNA

 





Lajmet e fundit nga