web counter
LEXO PA REKLAMA!

SHKARKO APP

App Store
Google Play

“Butrinti, rast i pastër korrupsioni”/ Zhupa: Ja si e mori ADF-ja menaxhimin e parkut

7 Nëntor 2023, 22:10, Aktualitet CNA
“Butrinti, rast i pastër korrupsioni”/ Zhupa: Ja si e mori
Deputetja e PD-së, Ina Zhupa

Deputetja e PD-së, Ina Zhupa ka folur lidhur me dhënien në menaxhim të Parkut Kombëtar të Butrintit.

Në një intervistë për SYRI TV Zhupa tha se Butrinti është një rast i pastër korrupsioni si dhe tregoi si e mori ADF-ja menaxhimin e parkut.

Ajo tregoi se beteja në Gjykatën Kushtetuese kalon përtej emrave dhe se duan të krijojnë precedentin se si trajtohet trashëgimia kulturore.

Pjesë nga intervista: 

“Ajo që ndodh në Butrint është se kemi një rast të pastër koncesioni një rast të pastër të asaj që quhet korrupsion legjislativ, ku një organizatë e caktuar i vë syrin diçkaje në Shqipëri dhe i përgatit të gjitha hapat derisa arrin ta mari vetë. Këtë gjë e pranon dhe Këshilli i Ministrave në letrën e fundit që ka prurë pranë Gjykatës Kushtetuese, ku gjykata e pyet se përse vendosët kush ishin argumentat që vendosët të ndryshonit sistemin e menaxhimit, përgjigja e Këshillit të Ministrave ishte plani i menaxhimit që kishte bërë ADF-ja.”, tha Zhupa.

Gazetari: Që të jem i qartë, ADF-ja është Granofi?

Zhupa: Po

Gazetari: Dhe Granofit nuk i ka hyrë asnjë gjemb në këmbë dhe nuk do të ndodhë natyrisht

“Beteja jonë në Gjykatën Kushtetuese kalon përtej emrave. Ne duam të krijojmë precedentin se si trajtohet trashëgimia jonë kulturore, pasi jo vetëm bëjmë një dëm të madh po të japim Butrintin tonë sepse cënojmë sot identitetin kombëtar, historinë, ju keni parë se si Richard Holdge që është anëtari i bordit thotë Butrinti grek, Saranda greke...

Të gjitha këto, një Gjykatë Kushtetuese, ne kemi besim meqënëse është vendosur një  precendent që ajo e mbron trashëgëminë kulturore me vendimet e saj, pavarësisht se zbatohen apo jo nga qeveria, por me Teatrin Kombëtar, Gjykata Kushtetuese e ka mbrojtur trashëgiminë kulturore.”, u shpreh deputetja e PD-së./ CNA





Lajmet e fundit nga