web counter
LEXO PA REKLAMA!

SHKARKO APP

App Store
Google Play

Milingona, kryebashkiaku i Shijakut dhe Tur Bushi

7 Nëntor 2023, 19:15, Aktualitet CNA

Milingona, kryebashkiaku i Shijakut dhe Tur Bushi

Kryeministri, Edi Rama ju ka thurur lavde tre kryebashkiakëve të cilët ishin të pranishëm në në mbledhjen e zgjeruar të Partisë Socialiste në Durrës.

Rama falenderoi kryetarin e bashkisë së Shijakut duke thënë se ka qenë pararojë e gjithë procesit të rindërtimit.

Për kryetarin e bashkisë Krujë tha se nuk mund të bëjë kritikë sepse më në fund doli nga të gjitha ferrat e ngatërresave të pronave në malin e Krujës dhe aty po ndërtohet në mënyrë mbreslënëse.

Ndërsa kryebashkiaken e Durrësit e quajti një milingonë.

“Dua të bëj një falenderim të vaçantë për kryetarin e bashkisë së Shijakut sepse ka qenë pararojë e gjithë procesit të rindërtimit dhe është për tu falnderuar për lagjen e re në Shijak. Ku ju thonim ne se Lugina do të bëhet komplet na shihnin dhe thonin çfarë të bëjmë ne që nuk kemi kujt t’a japim votën tjetër se ia tregojmë ne Luginën. Edhe votën na e dhanë edhe Luginën e morën. Dhe për herë të parë kur flas për tërmetin nuk mund të bëj kritikë për Tur Bushin sepse më në fund pasi doli nga të gjitha ferrat e ngatërresave të pronave në malin e Krujës dhe aty po ndërtohet në mënyrë mbreslënëse dhe janë 22 pallate të reja që do ua dorëzojmë familjeve të Krujës që kanë pritur gjatë. Për Durrësin vazhdon puna e milingonës, t’i s’je milingonë,  për çdo pjesë të mozaikut dhe shpejt do të jenë gati pallatet e lagjes së re.”, tha Rama./ CNA





Lajmet e fundit nga