Denoncimi i Murrizit/ Denaj pezullon gjobën 100 milionë euro, thirrje SPAK-ut

7 Nëntor 2023, 21:11, Aktualitet CNA

Denoncimi i Murrizit/ Denaj pezullon gjobën 100 milionë euro, thirrje

Ish deputeti Muslim Murrizi

Ish deputeti Muslim Murrizi ka denoncuar se gjoba 100 milionë euro që i është vendosur kompanisë Bankers Petrol nga Drejtoria e Doganave është pezulluar të paguhet në mënyrë të kundraligjshme nga ish ministraj e financave sot ministre e Bujqësisë Anila Denaj.

Murrizi thotë se prej 4 vitesh për këtë nuk flet askush ndërsa e ka quajtur një aferë.

Në postimin e tij në rrjetet sociale, Murrizi shkruan se kjo aferës është sa ¼ e vjedhjes së inceenratorëve.

Ish deputeti thotë se ky fakt nuk është denoncuar as nga opozita, duke thënë se sjellja me dy standarte të dyfishta për çështje të njëjta është hipokrizi.

Nga ana tjetër, i bën thirrje SPAK-ut të nisë hetimet për këtë çështje.

“Kjo gjobë 100 milionë euro vendosur ndaj kompanisë BANKERS PETROL nga Drejtoria e Doganave me 31 maj 2019, është “ pezulluar” të paguhet në mënyrë arbitrate të kundraligjshme nga ish ministerja e financave sot ministre e bujqësisë Zj Anila Denaj.

Çudi që prej 4 vitesh e gjys, nuk flet dhe nuk belbëzon askush nga politika.

Nuk kam dëgjuar asnjë fjalë nga opozita që për shou nuk ka lënë gjë pa bërë sikur denoncon.

Kjo aferë është sa 1 e katërta e vjedhjes së inceneratorëve.

Atëherë pse heshtni?????

Sjellja me standarte të dyfishta për fenomene të njëjta është hipokrizi dhe ju bën pis nga koka tek këmbët në atë palo moral ndershmërie.

Sjellja në mënyrë diferencuese ndaj hajdutëve të mdryshëm të qeverisë, ka bërë që besimi të jetë në kuotat më të ulëta në historinë 33-vjeçare pluralizëm, ndaj opozitës.

Ftoj SPAKUN të nis hetim për këtë aferë skandaloze 100 milionë euro që është korrupsion i pastër sepse kjo gjobë nuk mund të “ falet” kurrë nga asnjë ministër por vetëm nga gjykata administrative pasi të ankimohet më parë në komisionin e apelimit pranë Drejtorisë së Pergjitheshme të Doganave.

Sapo të nisni hetimin ,do të vëreni që tek afera më e madhe e 20 viteve të fundit BANKERS PETROL që ka grabitur mbi 8 miliard euro pasuri nëntokësore të Shqiptarëve nga viti 2004, janë bashkë të gjitha partitë dhe qent e politikës së këtij vendi

Do të shikoni se “ avokat” të kësaj kompanie grabitqare janë ish deputet dhe ish ministra nga të dy krahët e politikës.

Për mua HAJDUTËT janë në një parti por bëjnë sikur zihen, për tu hedhur hi syve Shqiptarëve dhe për tu shplarë trutë militantëve të tyre”, shkruan Murrizi./ CNA