web counter
LEXO PA REKLAMA!

SHKARKO APP

App Store
Google Play

E fundit!

x

“Marrëveshje pa interes nuk di të ketë”/ Akademiku Fuga ngre pikëpyetjen: Përse Italia nuk e mban vetë këtë kamp?

7 Nëntor 2023, 22:31, Aktualitet CNA
“Marrëveshje pa interes nuk di të ketë”/ Akademiku
Akademiku Artan Fuga

Akademiku Artan Fuga ka folur për marrëveshjen Rama-Meloni për emigrantët.

Sipas akademikut, Shqiëpria mund të ketë detyrime ndaj shumë vendeve të tjera europiane dhe si rrjedhojë do të kthehej në një vend kampesh.

Por më tej Fuga thotë se marrëveshje pa interes nuk ka, por ngre pikëpyetjen duke qenë se Italia është një vend më i pasur se ne, përse nuk e mban vetë këtë kamp.

“Një marrëveshje e bazuar thjesht në mirënjohje ka kuptim juridik. Unë nuk jam specialist i historisë, por aq sa e njoh, kjo më duket pak një legjitimim i cili është jashtë politik dhe vjen nga një kulturë e cila projektohet nga marrëdhëniet e njerëzve me njëri-tjetrin.

Padyshim nga të dyja anët e brigjeve të Adriatikut ka njerëz që kanë mirënjohje për njëri-tjetrin, por tjetër gjë është detyrimi moral dhe marrëveshja mes shteteve. Ne si një komb i vogël por me histori të gjatë, mund të kemi shumë detyrime. Ndaj Greqisë, Gjermanisë, shumë e shumë popujve. Kjo nuk do të thotë për shkak të mirënjohjes, po të jetë puna kështu duhet të ndërtojmë dhjetëra kampe dhe i bie të lëshojmë tokën.

Marrëveshje pa interes nuk di të ketë. Kjo më krijon pikëpyetje. Përse Italia nuk e mban vetë këtë kamp? Janë një shtet i fuqishëm dhe i pasur, me nivel shumë më të lartë se ne”, ka thënë Fuga./ CNA





Lajmet e fundit nga