web counter
LEXO PA REKLAMA!

SHKARKO APP

App Store
Google Play

E fundit!

x

AKU në aksion/ Në më pak se dy vite bllokon rreth 4 tonë sallam e 64 tonë bulmet jashtë standardit

8 Nëntor 2023, 10:32, Aktualitet CNA
AKU në aksion/ Në më pak se dy vite bllokon rreth 4 tonë
Autoriteti Kombëtar i Ushqimit

Në Shqipëri shpesh tregtohen produkte ushqimore jashtë standardit, duke rrezikuar jetën dhe shëndetin e qytetarëve.

Ekipi i Task-Forcës së Autoritetit Kombëtar të Ushqimit ka kryer vazhdimisht kontrolle jo vetëm ndaj subjekteve në vend, por ka zhvilluar inspektime të shumta edhe në pikat e inspektimit kufitar për të parë më nga afër importet e produkteve të ndryshme ushqimore, si dhe për t’u siguruar që qytetarët të konsumojnë produkte të kontrolluara.

CNA TV u interesua pranë këtij institucioni për të kuptuar se si ka shkuar ky proces, konkretisht me produktet dhe nënproduktet e mishit dhe bulmetit.

Në përgjigje të interesimit tonë, AKU informon se gjatë viteve 2022-2023 janë kryer në total 3608 kontrolle dhe konkretisht 3491 kontrolle janë kryer në stabilimentet e përpunimit dhe tregtimit të nënprodukteve te mishit, ndërsa 117 kontrolle janë kryer në subjektet tregtuese të nënprodukteve të mishit. Gjatë kësaj periudhe jane kryer 938 kontrolle në pikat e inspektimit kufitar (PIK), për importet e produkteve të sallamerisë.

Nga të gjitha kontrollet, drejtori i përgjithshëm i AKU-së, Edmond Rrushi bën me dije për CNA TV, se në dy vitet e fundit janë evidentuar dhe bllokuar 3,83 ton sasi të produkteve të sallamerisë jashë standardit.

Po ashtu, AKU informon se gjatë vitit 2022 dhe për nëntë muajt e parë të 2023 janë kryer 2387 kontrolle, konkretisht 1904 kontrolle në stabilimentet e grumbullimit, përpunimit, trajtimit të qumështit dhe nënprodukteve të tij, ndërsa 483 kontrolle janë kryer në njësitë e tregtimit të nënprodukteve të bulmetit. Ndërsa 1348 kontrolle janë kryer në pikat e inspektimit kufitar, për importet e produkteve të bulmetit.

Nga të gjitha kontrollet, AKU thotë për CNA TV se janë evidentuar dhe bllokuar 63.54 ton produkte të bulmetit jashtë standardit./ CNA





Lajmet e fundit nga