web counter
LEXO PA REKLAMA!

SHKARKO APP

App Store
Google Play

E fundit!

x

Bënin kërdinë me mashtrimet në Call-Center/ Arrestohen 8 persona, sekuestrohen mbi 13 mijë euro

8 Nëntor 2023, 11:53, Aktualitet CNA

Bënin kërdinë me mashtrimet në Call-Center/ Arrestohen 8

8 persona janë arrestuar gjatë aksionit të policisë "World Clock" për mashtrim nëpërmjet Call-Center-ave në Tiranë dhe Gjirokastër.

Nga hetimet ka rezultuar se tetë të arrestuarit me iniciale: E. S., 32 vjeç, E. P., 28 vjeç, M. S., 29 vjeç, E. H., 23 vjeç, A. H., S. B., 35 vjeç, F. H., 27 vjeçe dhe E. M., 26 vjeçe, pastronin të ardhurat e përfituara nga mashtrimet, nëpërmjet bizneseve të tyre dhe të të afërmve.

Të dyja subjektet ekonomike, "call center" dhe 75 punonjës të gjetur në to, rezultuan të paregjistruar në organet tatimore.

Gjatë aksionit policia sekuestroi në të dyja call centerat 13 500 euro, një automjet luksoz, prodhim i viteve të fundit, 75 laptopë, 25 kompjuterë, 35 celularë, 2 servera, 2 DVR dhe disa blloqe shënimesh, me emrat e shtetasve të mashtruar.

Mbi ta rëndojnë veprat penale “Mashtrimi kompjuterik”, “Punësimi i paligjshëm” dhe “Pastrimi i produkteve të veprës penale ose veprimtarisë kriminale”./CNA





Lajmet e fundit nga