web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet dhe bllokimet e rrugëve/ Si paraqitet situata nga shiu

8 Nëntor 2023, 14:13, Aktualitet CNA

Përmbytjet dhe bllokimet e rrugëve/ Si paraqitet situata nga shiu

Ministria e Mbrojtjes, përmes Agjencisë Kombëtare të Mbrojtjes Civile, ka dalë me një reagim për situatën e reshjeve në vendin tonë.

Sipas raportimeve nga strukturat e Mbrojtjes Civile në Prefektura dhe Bashki, në Qendrën Kombëtare Operacionale të Emergjencave Civile, përmbytje dhe rrëshqitje gurësh në disa akse rrugore.

Në Lezhë, në aksin rrugor Skuraj-Burrel, ka ndodhur rënie masive e gurëve dhe bllokim i rrugës. Aktualisht, rrugët janë pastruar dhe qarkullimi është rikthyer në normalitet në fshatin Shkopet.

Në Mirditë, uji nga përroi Zmeja ka dalë nga shtrati në disa vende, duke shkaktuar prezencë të ujit në oborrat e disa banesave. Aktualisht, niveli i ujit është stabilizuar pas ndërhyrjes së strukturave lokale të emergjencave civile.

Në Vlorë, ka pasur prezencë të ujit dhe inertesh në disa zona të vogla, por situata është në përmirësim dhe strukturat lokale të mbrojtjes civile po punojnë për normalizimin e plotë.

Në disa qytete të tjera si Kurbin, Kukës, Tropojë, Shkodër, Durrës dhe Sukth, janë raportuar disa vështirësi, por të gjitha strukturat e Mbrojtjes Civile janë në gatishmëri të plotë për të ndihmuar qytetarët.

Agjencia Kombëtare e Mbrojtjes Civile njofton se nëpërmjet Qendrës Kombëtare të Emergjencave Civile dhe strukturave të Mbrojtjes Civile në Prefektura dhe Bashki, ndjek në kohë reale situatën duke koordinuar dhe bashkërenduar strukturat operacionale të pushtetit vendor dhe qendror për menaxhimin e çdo emergjence të krijuar./ CNA





Lajmet e fundit nga