web counter
LEXO PA REKLAMA!

SHKARKO APP

App Store
Google Play

E fundit!

x

“Do të botoja artikull në ‘The Guardian’”/ Rama: Më erdhi një mesazh, nuk më zuri gjumi gjithë natën

14 Nëntor 2023, 18:45, Aktualitet CNA
“Do të botoja artikull në ‘The Guardian’”/
Kryeministri, Edi Rama

Kryeministri, Edi Rama në Forumin e Medias për Europën Juglindore tregoi një histori të tijën gjatë qëndrimit në Paris kur ka botuar një artikull në median prestigjioze “The Guardian”.

Ai tregoi se ishte një moment i madh për të dhe se i dukej sikur po takonte Papën.

Rama rrëfeu se pasi dërgoi artikullin atë natë nuk e zuri gjumi pasi mori një mesazh ku i thuhej se artikulli nuk mund të botohej dhe kjo si rezultat se duhej që media në fjalë të diskutonte disa pjesë të shkrimit me të, t’i verifikonte.

Nisur nga kjo ai bëri një paralele me mediat në ditët e sotme duke treguar se sa e rëndësishme është që informacionet të verifikohen përpara se të hidhen.

“Në fillim të viteve ’90 kurrë nuk do të më kishte shkuar në mende që do të botoja një artikull për “The Guardian” dhe për mua ishte si të më kishin thënë që do të takohesha më Papën. Ja dërgova artikullin e shkruar “The Guardian” dhe kur u ktheva në mbrëmje në shtëpi, jetoja në atë kohë në Paris, dëgjova në sekretarinë time telefonike një mesazh nga “The Guardia” ku thuhej që nuk e botojmë dotë artikullin nesër se duhet të verifikojmë disa gjëra. Nuk më zuri gjumi gjithë natën, sepse mendova se kisha bërë një gjë shumë të gabuar. Të nesërmen u lidha me ta dhe dëgjova se donin lejen time për titullin që ishte i përkryer nuk kishte asnjë problem, dhe donin të korrigjonin 2 gjëra. Kur i pyeta vetëm për kaq nuk e botuat artikullin? Më thanë “Po.” Ju thashë “Pse?” personi nga ana tjetër e telefonit habit tha “Çfarë do me thënë pse?”.”, tregoi Rama./ CNA 





Lajmet e fundit nga