web counter
LEXO PA REKLAMA!

SHKARKO APP

App Store
Google Play

E fundit!

x

FRPD për Kushtetuesen: “Dënoi” pengmarrjen e studentëve

14 Nëntor 2023, 16:00, Aktualitet CNA
FRPD për Kushtetuesen: “Dënoi” pengmarrjen e
Besart Xhaferri, kryetar i FRPD

Gjykata Kushtetuese dënoi pengmarrjen e studentëve të Mjekësisë, ku përmes një ligji të veçantë ata detyroheshin të qëndronin peng për pesë vite në Shqipëri pas përfundimit të studimeve.

Kështu e ka argumentuar kreu i Forumit Rinor të Partisë Demokratike Besart Xhaferri vendimin e Gjykatës Kushtetuese që pezulloi ligjin “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme”.

“Gjykata ka pranuar kërkesën e një grupi deputetësh dhe studentësh, duke pezulluar zbatimin e ligjit deri në shqyrtimin në themel të tij. Ligji u miratua në Korrik të këtij viti si masë për të frenuar largimin e mjekëve nga Shqipëria, teksa ky ligj nuk u konsultua me studentet as me grupet e tjera të interesit. Qeveria me një arrogancë të pashembullt dhe me bekimin e një kaste pedagogësh të korruptuar që heshtën kaloi këtë ligj, por studentët e mjekësisë u bënë barrierë me protestat e tyre që paralizuan Universitetin e Mjekësisë” – shkruan Xhaferri.

Duke iu referuar protestave masive të studentëve të Mjekësisë, Xhaferri i cilësoi ato si një leksion të mirëfilltë rezistence e dinjiteti.

“Kjo fitore e studentëve të mjekësisë është një leksion rezistence dhe dinjiteti, që do duhet të ndiqet nga studentët e fakulteteve të tjera por dhe nga shoqëria shqiptare. Askush nuk e ka të drejtën e pengmarrjes për interesa të pushtetit dhe do të ishte e papranueshme që kjo gjykatë të dilte me një tjetër vendim që do ishte legjitimim i pengmarrjes së studentëve!”- thuhet në reagimin e Xhaferrit.

Më herët gjatë ditës së sotme Gjykata Kushtetuese vendosi pezullimin e ligjit për studentët e Mjekësisë, deri në një moment të dytë kur do të shqyrtojë të gjithë situatën./CNA





Lajmet e fundit nga