web counter
LEXO PA REKLAMA!

SHKARKO APP

App Store
Google Play

E fundit!

x

"Luftë klasash"/ Gjokutaj për "merimangën" e punësimeve: Arben Kraja, pushkë jevgu gjysmautomatike

14 Nëntor 2023, 07:13, Aktualitet CNA
"Luftë klasash"/ Gjokutaj për "merimangën" e
Genc Gjokutaj

Pas publikimit të lajmit nga CNA, se ish-kreu i SPAK-ut, Arben Kraja, ka dhënë dorëheqjen nga hetimi për inceneratorin e Tiranës, ka ardhur edhe një reagim nga avokati i ish-kryeministrit Sali Berisha, Genc Gjokutaj. 

Në një postim në rrjetet sociale, Gjokutaj shprehet se Kraja është "një pushkë jevgu gjysmautomatike". Sipas tij, Kraja vazhdon luftën e klasave me "hetimet" e tij ndaj Berishës, si dhe thërret edhe kreun e Partisë së Lirisë, Ilir Meta. Avokati thekson se mbesa e prokurorit ishte shumë pranë Erion Veliajt, pasi punon në Bashkinë Tiranë, ndërkohë që xhaxhai i saj hetonte për inceneratorin. 

"Kur u ngjiz SPAK-u u tha që kandidatë ishin të superkontrolluar deri në lidhjet e tyre familjare! Sot Kraja jep dorëheqjen nga çështja e inceneratorit të Tiranës për shkak se mbesa e tij ishte shumë, por shumë pranë kryetar Veliajt! Dmth indirekt provohet që Veliaj ka lidhje me inceneratorin! Dhe mbesa vazhdonte ndërkohë që axha hetonte! Po provat në dorë të Krajës axhës së mbesës, veline e Erionit vazhdonin përpunimin procedurial që nga prova të zeza të ktheheshin në prova të bardha! Sa turp! Nderkohë që mbesa vazhdon me Kryetar Velinë! Çështja mbeti pa prokuror! Por, Kraja axha xhongler i ligjit vazhdon me nervin e luftës së klasave hetimin ndaj Berishës dhe thërret në pyetje Metën! Prandaj para do ditësh shkruajta për Krajen pa e ditur korrupsionin e tij dhe përqasjen e mbesës! Kraja një pushkë jevgu gjysmë automatike!", shprehet Gjokutaj. 

Së fundmi, CNA ka zhvilluar një investigim të plotë në lidhje me prokurorët, gjyqtarët dhe njerëzit, të cilët kanë kaluar vettingun si pjesë e Reformës në Drejtësi.

Sipas të dhënave të siguruara nga CNA rezulton se shumë prokurorë dhe gjyqtarë kanë strehuar familjarë të tyre, në poste mjaft të rëndësishme në institucione shtetërore, bashki, ministri, etj. Bashkia e Tiranës rezulton me numrin më të madh.

Sipas të dhënave të siguruara nga CNA dhe një grupi gazetarësh që kanë investiguar lidhjet familjare për njerëzit e sistemit të drejtësisë, rezulton të jenë të punësuar apo të kenë punuar në Bashkinë e Tiranës, mbesa dhe nipi i prokurorit të SPAK-ut, Arben Kraja.

Sipas të dhënave zyrtare, rezulton se Entela Lleshi-Kruja, mbesa e zotit Arben Kraja, të jetë punonjëse e Bashkisë së Tiranës si përgjegjëse në sektorin e prokurimeve publike, në varësi të shtetasit Taulant Tushe. Ky i fundit i kallëzuar dhe nën hetim nga SPAK-u, në disa raste./CNA

 

 





Lajmet e fundit nga