web counter
LEXO PA REKLAMA!

SHKARKO APP

App Store
Google Play

E fundit!

x

Ulet borxhi në buxhetin e viti 2024, pagat rriten/ Po pensionet?

13 Nëntor 2023, 16:59, Aktualitet CNA
Ulet borxhi në buxhetin e viti 2024, pagat rriten/ Po pensionet?
Kryeministri, Edi Rama

Kryeministri, Edi Rama në Asamblenë e zgjeruar të Partisë Socialiste në Pogradec ka folur lidhur me buxhetin e vitit 2024.

Ai tha se në buxhetin e viti të ardhshëm kemi një zbritje të borxhit që nuk e kemi pasur asnjëherë, borxhi do të shkojë në 60 për qind.

Rama përmendi dhe një herë rritjen e pagave vitin e ardhshëm.

“Ne në buxhetin e viti të ardhshëm kemi një zbritje të borxhit që nuk e kemi pasur asnjëherë. Shkojë në 60 për qind. Po si mund të zbresësh kaq shumë pikë për qindje në një kohë të shkurtër? Mund të zbresësh vetëm nëse ekonomia është rezistente. Në vitin 2024 ne do të kemi 400 milion euro për rritje pagash. Do të rriten pagat për mësuesit, por këtë vit në mënyrë të konsiderueshmë, do të rriten pagat për mjekët, infermjerët, punonjësit e policisë, ushtarakët dhe patjetër për të gjithë punonjësit e tjerë të shtetit 400 milionë. Kush do ta merrte serioze një shifër që në vitin 2024 paga në sektorin public do të shkojë 900 euro.”, tha Rama

Përsa i përket pensioneve ai tha se, rritja e pensionit do të jetë më e ngadaltë, kjo dhe për shkak të numrit të ulët të kontribuesve.

“Për shkak të numrit të ulët të kontribuesve do të jetë më e ngadalshme rritja e pensioneve. Nëse ka një gropë që nuk e kemi mbyllur është gropa nga mungesa e kontributeve shoqerore. Duhet të pyesësh veten. Që kur jam future në punë  I kam paguar kontributet e mia? Fatkeqësisht përgjigja është jo. Rritja e pagës vitin e ardhshëm do të pasqyrohet dhe në sektorin privat në pagat reale pasi nëj pjesë e pagave në sektorin privat nuk deklarohet, për të mos paguar sigurime shëndetësore mjaftueshëm. Nëse nuk paguajmë sigurime të gjithë si do të rriten pagat?”, tha Rama./ CNA





Lajmet e fundit nga