web counter
LEXO PA REKLAMA!

SHKARKO APP

App Store
Google Play

Mazhoranca dështon protestën e opozitës/ Vijon mbledhjet e komisioneve "online"

13 Nëntor 2023, 10:47, Aktualitet CNA
Mazhoranca dështon protestën e opozitës/ Vijon mbledhjet e
Foto ilustruese

Mazhoranca ka dështuar protestat dhe ndërhyrjet e opozitës në mbledhjet e Komisioneve.

Ditën e sotme sipas rendit do të mbahen në 6 komisione, ai për Çështjet Evropiane, Ekonominë dhe Financat, Veprimtarinë prodhuese, Tregtinë dhe Mjedisin, administratën publike dhe të drejtat e njeriut, edukimin dhe mjetet e informimit publik dhe ai për sigurinë kombëtare.

Duket se mazhoranca ka vendosur që mbledhjet t’i zhvillojë "online", jo në Kryesi, pas tensioneve të shkaktuara nga demokratët në mbledhjet e shkuara.

Kështu ditën e sotme nëse të gjitha komisionet do të zhvillohen "online", opozita nuk do të ketë mundësinë të ndërhyjë dhe në këto mbledhje do të diskutohet për projektligje pa asnjë pengesë.

Për shkak të tensioneve dhe përplasjeve në seancat e shkuara parlamentare shumica e deputetëve opozitarë janë përjashtuar.

Megjithatë kujtojmë se opozita ka protestuar në sallën e Kuvendit duke shkaktuar kaos, duke përmbysur karrige, madje edhe duke u përplasur fizikisht apo duke ndezur tymuese në parlament.

Nga ana tjetër opozita ka premtuar se do të vazhdojë me aksionin opozitar dhe me protestat në parlament, ndonëse një pjesë e tyre janë të përjashtuar.

Së fundi janë pezulluar edhe 4 gardistë të cilët nuk kanë ndërhyrë për të ndaluar ndezjen e tymueseve në sallën e Kuvendit, ku parashikohet që në seancën e radhës të ketë dhe më shumë siguri për të mos lejuar që të ndodhin incidente të tilla.

Por ish-kryeministri Sali Berisha ka paralajmëruar se do të ketë protesta në forma të ndryshme, deri në greva urie./ CNA





Lajmet e fundit nga