web counter
LEXO PA REKLAMA!

SHKARKO APP

App Store
Google Play

E fundit!

x

Europol arreston 5 terroristë në Evropë, si e shpërndante propagandën organizata përmes platformave "online"

13 Nëntor 2023, 09:38, Aktualitet CNA
Europol arreston 5 terroristë në Evropë, si e shpërndante
Europol

Pesë të dyshuar për terrorizëm janë arrestuar nga Eurojust dhe Europol në 9 nëntor, pas një aksioni ndërkombëtar ku janë përfshirë autoritetet belge, kroate, gjermane, lituaneze, rumune e italiane. Gjatë operacionit të përbashkët kundër terrorizmit të krahut të djathtë, 5 të dyshuar u kapën dhe 7 të tjerë u morën në pyetje në vende të ndryshme.

Të arrestuarit dyshohet se i përkasin një organizate të krahut të djathtë, që përdorte një platformë në internet për aktivitete të lidhura me terroristët, duke përfshirë shpërndarjen e propagandës së dhunshme ekstremiste, rekrutimin aktiv të anëtarëve të rinj dhe për ndarjen e manualeve të armëve të printuara 3D.

Çështja u hap nga Eurojust në korrik 2023 me kërkesë të autoriteteve belge. Dy takime koordinuese u organizuan nga Agjencia për të lehtësuar bashkëpunimin gjyqësor ndërmjet autoriteteve të vendeve të përfshira në hetim.

Shkëmbimi i informacionit i lehtësuar nga Europoli ishte intensiv me mbi 350 mesazhe SIENA që u shkëmbyen në kuadër të këtij hetimi. Në ditën e aksionit, në selinë e Europol-it u ngrit një dhomë e përbashkët e komandës operative për të koordinuar veprimet e ndryshme që po zhvillohen njëkohësisht në të gjitha vendet e përfshira. Përveç kësaj, ekspertë të Europolit u vendosën në Belgjikë, Itali, Lituani dhe Kroaci për të lehtësuar shkëmbimin e informacionit në kohë reale midis të gjitha vendeve të përfshira./CNA

 





Lajmet e fundit nga