web counter
LEXO PA REKLAMA!

SHKARKO APP

App Store
Google Play

E fundit!

x

Paratë e pista, Belinda Balluku: Mekanizmat që përdorëm për të dalë nga lista gri

13 Nëntor 2023, 09:16, Aktualitet CNA
Paratë e pista, Belinda Balluku: Mekanizmat që përdorëm
Zv.kryeministrja Belinda Balluku

Fiskalizimi, transparenca e transaksioneve bankare si dhe afrimi i kuadrit ligjor me BE-në kanë qenë faktorët kyç që kanë ndikuar në daljen e Shqipërisë nga lista gri e pastrimit të parave.

Kështu e ka komentuar zv/kryeministrja Belinda Balluku këtë lëvizje që është pasqyruar edhe në progress-raportin e KE, për vitin 2023, në të cilin është vlerësuar pozitivisht edhe klima ekonomike shqiptare.

Në një intervistë për “Review” në “Euronews Albania”, Balluku u shpreh se falë Agjencisë së Inteligjencës Financiare, dhe gjithë reformave u bë e mundur që pas tri vitesh të dalim nga lista gri.

“Çka ne arritëm këtë herë me Agjencinë e Inteligjencës Financiare, sepse ka ndryshuar emër tashmë. Tashmë është një agjenci e mirëfilltë evropiane e Inteligjencës Financiare. Falë kësaj agjencie, që tashmë operon në një situatë tjetër, falë të gjitha masave që kemi ndërmarrë dhe duke ndryshuar dhe përafruar kuadrin ligjor me BE-në, falë reformës së fiskalizimit, falë transparencës së sistemit bankar, të gjitha këto qenë kriteret që Shqipëria doli nga lista gri e pastrimit të parave”, tha Balluku.

Shqipëria u fut në listën gri të pastrimit të parave të pista tri vite më parë.

Vendimi për daljen e Shqipërisë nga kjo listë u mor nga TAFT (Task Forcë e Veprimit Financiar) më 27 tetor, e cila është një strukturë mbikëqyrëse e krijuar nga partnerët ndërkombetarë që vlerëson çdo vend në botë në fushën e pastrimit të parave.

Dalja e vendit nga lista gri e pastrimit të parave pritet të ulë edhe transaksionet në sistemin bankar brenda dhe jashtë vendit./CNA

 

 





Lajmet e fundit nga