web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Arben Kraja jep dorëheqjen nga hetimi për inceneratorin e Tiranës

12 Nëntor 2023, 15:49, Aktualitet CNA
Ekskluzive/ Arben Kraja jep dorëheqjen nga hetimi për inceneratorin e
Arben Kraja

CNA sot filloi publikimin e një investigimi të gjatë në lidhje me njerëzit e drejtësisë, prokurorë dhe gjyqtarë, të cilët kanë kaluar vettingun. Investigimi përfshin familjarët e tyre dhe punësimet në administratën shtetërore, duke zbardhur lidhje të mundshme të zyrtarëve të lartë të shtetit për punësimin e familjarëve, të prokurorëve dhe gjyqtarëve, të cilët dje mund të kenë pasur, kanë sot, apo do të kenë nesër në duar, hetime në lidhje me krerët e institucioneve ku kanë punësuar familjarët e tyre.

Gjatë një prononcimi që ne i morëm ish-kreut të SPAK-ut, Arben Kraja, mësuam se ky i fundit kishte dhënë dorëheqjen nga hetimi për dosjen e inceneratorit të Tiranës.

I pyetur nga CNA, se a kishte lidhje me hetimet për inceneratorin e Tiranës dhe një konflikt të mundshëm interesi pasi familjarë të tij kishin punuar, apo punonin në Bashkinë e Tiranës, Kraja u shpreh se nuk është më pjesë e hetimit të dosjes së inceneratorit të Tiranës, ai ka qenë një prokuror ndihmës që ka marrë pjesë për një kohë të shkurtër, deri në kohën e sekuestros.

Për shkak të dosjeve të shumta dhe ngarkesës që kishte, Kraja kishte vendosur të mos merrte pjesë në hetimin e kësaj dosje. Sipas tij, ai nuk kishte kryer kurrë hetime apo të kishte pasur në dorë çështje që lidhen me Bashkinë e Tiranës.

Në fakt, Arben Kraja konfirmoi për CNA, se nuk është pjesë e dosjes që po heton tashmë inceneratorin e Tiranës, pasi sipas tij, ai ka dhënë dorëheqjen./ CNA





Lajmet e fundit nga