web counter
LEXO PA REKLAMA!

SHKARKO APP

App Store
Google Play

E fundit!

x

“The Travel off Path”, Shqipëria në top pesë destinacionet e 2024

11 Nëntor 2023, 14:32, Aktualitet CNA

 

 

“The Travel off Path”, Shqipëria në top pesë
Alpet shqiptare

Shqipëria është renditur mes pesë destinacioneve më të mira për të eksploruar në 2024. “The Travel off Path” revistë amerikane, i ka dedikuar një artikull destinacioneve me emocionuese për t’u vizituar në mbarë botën në vitin 2024 ku mes pesë më të mirave rendit edhe vendin tonë.

“The Travel off Path” sugjeron qytetarët amerikanë të mos humbasin magjinë e alpeve shqiptare që premtojnë një përvojë të paharrueshme.

“Dikur një perlë e fshehur e vendosur në zemër të Gadishullit Ballkanik, Shqipëria tashmë është destinacioni me rritjen më të shpejtë në Evropë, duke tërhequr një numër rekord turistësh me pamjet idilike, mikpritjen e ngrohtë dhe çmimet e arsyeshme. Vlen të përmendet se shumica e turistëve po vërshojnë drejt Rivierës ikonike të vendit, e cila, megjithëse e mrekullueshme, nuk është atraksioni i vetëm natyror i Shqipërisë. Nëse do të udhëtonit pak më në veri, do të mund të eksploroni Alpet mahnitëse shqiptare, një rajon i thyer dhe i pacenuar që u premton vizitorëve përvojën më të paharrueshme. Këtu, udhëtarët mund të nisin shëtitjet piktoreske në Parkun Kombëtar të Luginës së Valbonës, Parkun Kombëtar të Thethit dhe Liqenin e Komanit dhe të shijojnë florën dhe faunën endemike të dorës së parë. Turistët rekomandohen t’i bashkohen një udhërrëfyesi profesionist gjatë vizitës në Alpet Shqiptare.” – thuhet në shkrim.

Po ashtu revista amerikane i ka dedikuar edhe një hapësirë sigurisë së rajonit.

“Rajoni është mjaft i sigurt dhe shumica e vendasve janë shumë mikpritës, por ndihma profesionale e një udhërrëfyesi për të eksploruar terrenin e thyer, do t’ju bënte të ndiheshit shumë më të qetë për të shijuar këtë përvojë te re.”- shkruhet në revistën amerikane.

 

/CNA





Lajmet e fundit nga