web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Jan Prengës/ Hoxha tregon detaje rreth trupit: Familjarët do e merrnin njëherë në afërsi të Rinasit

11 Nëntor 2023, 13:39, Aktualitet CNA
Vrasja e Jan Prengës/ Hoxha tregon detaje rreth trupit: Familjarët do
Artan Hoxha

Shqiptarët nuk kanë një kartel të mirëfilltë për çështjen e drogës por funksionojnë si një aleancë dhe bashkëpunojnë në grupe me njëri-tjetrin. Kështu është shprehur në një intervistë për Euronews Albania gazetari Artan Hoxha, teksa tregoi edhe detaje nga pengmarrja dhe vrasja e Jan Prengës. 

Gazetari tha se familjarët kanë pritur dy herë për të marrë trupin e Prengës, njëherë afër Rinasit, por deri më tani nuk kanë marrë asgjë. 

Sa i përket Gramoz Rexhepit, si të akuzuar për ngjarjen, Hoxha tha se ai ka dëshmuar se nuk është përgjegjës për këtë. 

“Ai kërkoi prova që të mos e dorëzonte sasinë e drogës. Ajo ngarkesë nuk u gjend kurrë. Familjarët e Prengës kanë pritur dy herë për të marrë trupin, njëherë madje afër Rinasit, ata kanë pritur por nuk morën asgjë. Gramoz Rexhepi ka thënë se nuk është përgjegjës për këtë. Nuk ka ende një kartel të mirëfilltë shqiptar por kemi aleanca. Kam parë shumë marrëveshje mes tyre në Kolumbi por aleancë, pra jo një kartel. Atje jetojnë disa shqiptarë por nuk figurojnë fare me pasaportë shqiptare. Ata kanë aleancë me njëri tjetrin. Kush e zëvendëson Gramoz Rexhepin? Ky është ndryshimi mes kartelit dhe aleancës. Ata kështu funksiononin dhe rriten si grupim deri në një pikë por kaq”, tha Hoxha.

Sipas gazetarit Gramoz (Dritan)Rexhepi nuk ishte koka e trafikut të drogës por ishte një hallkë e rëndësishme e aleancës mes shqiptarëve./CNA





Lajmet e fundit nga