web counter
LEXO PA REKLAMA!

SHKARKO APP

App Store
Google Play

AKU, me dorë të hekurt/ Kontrolle të rrepta produkteve ushqimore, bllokon 112 kg “djathë bebe të shkrirë”

11 Nëntor 2023, 11:54, Aktualitet CNA
AKU, me dorë të hekurt/ Kontrolle të rrepta produkteve ushqimore,
Foto ilustruese

Autoriteti Kombëtari i Ushqimit ka ushtruar kontrolle të rrepta mbi subjektet dhe produktet ushqimore.

AKU ka bllokuar 112 kg djathë bebe të shkrirë pasi në etiketën e produktit nuk janë deklaruar përbërësit. 

"Në kuadër të Programit të Punës mbi nisjen e hetimeve në stabilimentet prodhuese, përpunuese dhe ambalazhuese të qumështit dhe nënprodukteve të tij, janë kryer marrje mostre dhe kontrolle zyrtare, në këto subjekte. Nga analizimi i produktit “djathë bebe i shkrirë” i mostruar në stabilimentin e përpunimit “E”, ka rezultuar me përmbajtje të yndyrnave bimore.

Referuar përgjigjes së raport provës janë kryer verifikimet në terren, ku janë marrë masat konform legjislacionit në fuqi, duke bllokuar produktin në sasinë e 112 kg deri në notifikimin e etiketës, pasi subjekti nuk ka kryer detyrimin ligjor për deklarimin e të gjithë përbërësve (lëndë e parë) në etiketën me të cilën tregtohet produkti. Për këtë arsye është vendosur masë administrative “gjobë” në vlerën e 100’000 lekëve. Për veprime të mëtejshme, materialet i kaluan Prokurorisë së Rrethit Gjyqësor Tiranë.

Autoriteti Kombëtar i Ushqimit do të vijojë me kontrolle në të gjithë vendin në garantim të sigurisë ushqimore dhe mbrojtjes së shëndetit të konsumatorit", njofton AKU./ CNA





Lajmet e fundit nga