web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi plas “bombën”/ “Të afërm të prokurorëve të SPAK me pozicione kyçe në Bashkinë e Tiranës”

10 Nëntor 2023, 22:04, Aktualitet CNA

Këlliçi plas “bombën”/ “Të afërm

Ish deputeti dhe anëtari i Kryesisë së PD-së, Belind Këlliçi ka bërë një deklaratë shumë të fortë në intervistën e tij në A2cnn, ku ka thënë se individë të caktuar brenda strukturës së SPAK-ut, prokurorë të SPAK-ut kanë konflikt interesi me Bashkinë e Tiranës, pasi të afrëm të tyre janë të punësuar në pozicione kyç në Bashkinë e Tiranës.

 “Individë të caktuar brenda strukturës së SPAK-ut, prokurorë brenda strukturës së SPAK-ut kanë konflikt interesi të hapur me Bashkinë e Tiranës. Sepse ka të afërm të tyre të punësuar në pozicione kyçe në  Bashkinë e Tiranës dhe nëse shkojnë e trokasin, duhet të shkojnë të trokasin në dyert e të afërmëve të tyre.

Mjafton një shembull, unë nga janari i këtij viti deri në momentin që flasim mund të kem depozituar të paktën 6 kallëzime në SPAK, qoftë për rrugë që ndërtoheshin me mjetete Bashkisë së Tiranës dhe toleroheshin në mënyrë fiktive dhe paratë vidheshin, i kam çuar në SPAK, qoftë për fabrikën e asfaltit elektoral që prodhon asfaltin dhe e shet në të zezë  dhe e dinë një qytet i tërë, qoftë për rastin e një drejtori që përfiton 22 milionë euro nga Bashkia e Tiranës ndërkohë që është drejtor që quhet Mariglen Qato, qoftë edhe për drejtor dhe titullarë të tjerë Taulant Tushën  e të tjerë me radhë, asgjë nuk ndodh. Sot që flasim kam çuar tre kallëzime të tjera në SPAK për inceneratorin e Tiranës, asgjë nuk ndodh. E kam faktuar me zë, me figurë, me pamje se si janë ndërtuar 7 kate pa leje te kulla Eye of Tirana në sheshin Skënderbej dhe jo vetëm që nuk penalizohet kompania apo individi në fjalë, por i jepet truall publik për të ndërtuar , shpërblehet dhe nga ana tjetyër një qytetar i thjeshtë sot nuk ndërton dot avllinë e shtëpisë së vet se të troket në derë policia Bashkiake”, tha Këlliçi./ CNA





Lajmet e fundit nga