web counter
LEXO PA REKLAMA!

SHKARKO APP

App Store
Google Play

E fundit!

x

Bushati ngre alarmin/ “Marrëveshja për emigrantët do të na kthejë në një vend problematik”

10 Nëntor 2023, 17:01, Aktualitet CNA
Bushati ngre alarmin/ “Marrëveshja për emigrantët do
Analisti Andi Bushati

Analisti Andi Bushati ka komentuar marrëveshjen Rama-Meloni , që Shqipëria të presë emigrantët e vendeve të treta në dy kampe që do të ngrihen në zonën e Shëngjinit.

Bushati është shprehur se marrëveshja për emigrantët do t’i krijojë Shqipërisë problemtikë dhe ta shtyjë atë drejt integrimit të BE-së.

Analisti Bushati ka deklaruar se, është e pamundur që ata që nuk marrin azil në Itali të kthehen në vendin e tyre të origjinës.

Ai thekson se, ata do të mbeten në Shqipëri do të tentojnë të shkojnë drejt Greqisë ose do të marrin rrugën Ballkanike të emigrimit drejtë Kroacisë dhe kjo do të sjellë bumerang dhe do e kthejë Shqipërinë në një vend problematik.

"Tentativa për të marrë armët kimike, tentativa qesharake për të pajtuar Mitsotakisin me Erdoganin në një konflikt që daton para se të linde dhe vetë Rama, më pas donte të merrte emigrantët në Afganistan si shpëtimi i amerikanëve për perëndimin por edhe rritja e numrit të muxhahedinëve.

Rama i ka marrë këta iniciativa por pyetja është se çfarë fiton Shqipëria nga këto gjëra, pra janë iniciativa që i shërbejnë një njeriu të vetëm, Edi Ramës, që t’i shkeli syrin perëndimin se unë jam faktor paqeje dhe negociator dhe në emër të kësaj më lejoni të shtyp popullin tim.

Rasti i fundit që u propagandua shumë se ne po i marrim emigrantët që Italia të na shtyjë në përparimin tonë të integrimit europian por unë kam frikë se kjo do të sjellë të kundërtën pasi është e pamundur që ata që nuk marrin azil në Itali të kthehen në vendin e tyre të origjinës. Ata do të mbeten këtu ose do të tentojnë të shkojnë drejt Greqisë ose do të marrin rrugën Ballkanike të emigrimit drejtë Kroacisë dhe do të sjellë bumerang se do të na kthejë në një vend problematik.

Rama ka marrë shumë iniciativa që shpesh ishin delirante por asnjëra prej tyre nuk ishte në interes të Shqipërisë", deklaron Bushati./ CNA





Lajmet e fundit nga