web counter
LEXO PA REKLAMA!

SHKARKO APP

App Store
Google Play

Marrëveshja për emigrantët/ Toni Gogu: Shqipëria në mision shpëtimi

9 Nëntor 2023, 22:41, Aktualitet CNA
Marrëveshja për emigrantët/ Toni Gogu: Shqipëria në
Deputeti i Partisë Socialiste, Toni Gogu

Deputeti i Partisë Socialiste, Toni Gogu ka folur rreth marrëveshjes për emigrantët.

Ai thotë se kjo marrëveshje mes Italisë dhe Shqipërisë është një mision shpëtimi dhe se kjo marrëveshje është hartuar duke ndjekur rrugën ligjore sipas çdo marrëveshje të republikës.

Në emisionin “Opinion” Gogu tha se, Italia u ka bërë kërkesë gjithë vendeve të BE-së për këtë marrëveshje, por vetëm Shqipëria u përgjigj.

“Kjo marrëveshje ka ndjekur rrugën e çdo marrëveshje në Republikën e Shqipërisë. Marrëveshja do të ratifikohet nga parlamenti. Së pari, migracioni është një problem europian. Italia ka sot mbi 120 mijë refugjatë dhe duhet të ketë mbi 3000 qendra. Ne me këtë qendrën tonë nuk është se zgjidhim një hall të madh të Italisë. Italia ka bërë një kërkesë tek gjithë BE siç na është drejtuar edhe ne si vend fqinj për të gjetur një zgjidhje qoftë për shkurajimin e mërgimit të paligjshëm por edhe të trajtimit sipas standardeve europiane të refugjatëve. Dhe i është drejtuar një vendi që është kampion. Kjo marrëveshje është jashtëzakonisht e favorshme për historinë e Shqipërisë. I është drejtuar Shqipërisë për shkak të historisë tonë. Ne jemi në një mision shpëtimi. Ata e dinë që kur flasin me shqiptarët po flasin me një ndërgjegjie të mirëformuar që e kanë bërë ndër shekuj, të mikëpritjes. Italia na ka ftuar që ne së bashku me ta t’i bashkohemi një misioni shpëtimi”, tha Gogu./ CNA





Lajmet e fundit nga