LEXO PA REKLAMA!

SHKARKO APP

Fati i trishtë i foshnjës së braktisur/ Detaje të reja nga kamerat e sigurisë

9 Nëntor 2023, 17:01, Aktualitet CNA

Fati i trishtë i foshnjës së braktisur/ Detaje të reja nga

Detaje të reja janë zbardhur nga ngjarja e trishtë e ndodhur në Tiranë ku një foshje u braktis sapo erdhi në jetë nga nëna e tij 30-vjeçare.

Nga kamerat e sigurisë është zbuluar se 30-vjeçarja ka qenë e vetme në momentin e lindjes.

Ajo pasi ka sjellë në jetë djalin e saj e ka hedhur në plehrat që ishin pranë vendit ku lindi djalin e saj.

Vendi ka qenë me lagështi kjo dhe për shkak të shirave që kanë rënë ditët e fundit.

Djali u gjet nga një qytetar I cili më pas njoftoi policinë.

Foshnja pasi u gjet nga banoret e zonës u dërgua nga policia në maternitetin “Koço Gliozheni” në gjendje mjaft të rëndë me hipotermi dhe me dëmtime të konsiderueshme fizike të shkaktuara nga nëna e tij.

Foshnja nuk mundi të rezistojë më tepër por ndërroi jetë mëngjesin e kësaj të enjte.

“Më kapi paniku dhe fëmijën e hodha, pas lindjes”, kaq ka mundur të shprehë para uniformave blu 30-vjeçarja e cila u ndalua për braktisjen e djalit të saj të porsalindur në një garazh në Yzberisht.

30-vjeçarja me origjinë nga Pogradeci banonte disa pallate më tutje nga vendi ku kru lindjen.

Ajo rrezikon deri në 10 vite burg.  Gjendja e saj fizike shfaqet e qëndrueshme ndërsa gjendja emocionale jo. Mjekët dyshojnë për depresion pos partum. Ndodhur në këtë gjendje ajo nuk ka dhënë detaje për atësinë e fëmijës apo për rrethanat që e çuan drejt një akti kaq çnjerëzor.

30-vjeçarja me origjinë nga Pogradeci nuk ishte e martuar dhe jetonte me prindërit./ CNA

Lajmet e fundit nga