LEXO PA REKLAMA!

SHKARKO APP

Prokuroria e Posaçme mbyll hetimet për Safet Gjicin dhe vajzën që u përfshi në video-skandal

9 Nëntor 2023, 12:16, Aktualitet CNA

Prokuroria e Posaçme mbyll hetimet për Safet Gjicin dhe vajzën

Prokuroria e Posaçme ka mbyllur hetimet për Safet Gjicin, ish-krun e Bashkisë së Kukës dhe për Alma.K, vajza që u përfshi në video-skandalin. Gjicit i është komunikuar zyrtarisht akuza "korrupsion pasiv".

Çështja pritet t'i kalojë Gjykatës së Posaçme për të marrë një vendim.

Gjici ra në prangat e policisë më 24 qershor, nën akuzë për korrupsion pasi dyshohet se ka favorizuar Alma K., duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet.

Kjo e fundit ka pranuar para gjykatës se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin.

Alma K. ndodhet në “Arrest Shtëpie”, por më herët në një intervistë për CNA është shprehur se ndihet e braktisur dhe e pambrojtur nga shteti.

Kujtojmë se Gjici, pas publikimit të videos u shkarkua nga kryeministri Edi Rama dhe më pas doli për herë të parë me një reagim në rrjete sociale, ku e quajti publikimin e videos një kurth nga kundërshtarët e tij politikë./CNA

 

 

Lajmet e fundit nga