web counter
LEXO PA REKLAMA!

SHKARKO APP

App Store
Google Play

E ngritën në detyrë pas videoskandalit me Gjicin/ Balla prezanton Granit Gjanën si Prefekt në Kukës

18 Shtator 2023, 16:37, Politikë CNA

E ngritën në detyrë pas videoskandalit me Gjicin/ Balla prezanton

Më 13 shtator, Këshilli i Ministrave emëroi Prefekt të Kukësit Granit Gjanën, ish-zv.kryetarin e Bashkisë së Kukësit që doli në videoskandalin e Safet Gjicit për tenderine  qenve.

5 ditë pas emërimit, në Kukës ka mbërritur ministri i Brendshëm, Taulant Balla, i cili ka prezantuar Gjanën si Prefektin e ri.

Balla tha se ka gati një draft të ri ligjor, për konsolidimin e rolin të Prefektit, si përfaqësues direkt i kryeministrit dhe i qeverisë në territor.

Ai deklaroi se së bashku me Prefektin do të zbatojnë paketën e sigurisë në shkolla.

“Të gjithë e dimë që fëmijët rrezikun më të madh të qasjes ndaj fenomeneve si droga, apo të tjera si bullizmi, nuk ndodhin në shkollë, por ndodhin rrugës për në shkollë ose në të gjitha njësitë e shërbimit që ndodhen brenda perimetrit të sigurisë në shkolla. Ato ndodhin të kafja, te lokali përballë, te diskoteka pranë shkollës, por edhe problematike që lidhen me sigurinë ushqimore, që lidhen me kioskat apo fast food-et apo gjithçka tjetër që ndodhet brenda atij perimetri, duke mos harruar edhe një fenomen që ndoshta për faj të moszbatimit si duhet të ligjit që ka për detyrë ta zbatojë Inspektorati Shtetëror Shëndetësor dhe që ka të bëjë me alkoolin te moshat nën 18 vjeç. Të gjitha këto janë tashmë detyra dhe në kuadër të kësaj pakete, i takon Prefektit të Qarkut, i cili, në bashkëpunim me drejtorin e Policisë së Shtetit, me Autoritetin Kombëtar të Ushqimit, ISHSH, me organet e qeverisjes vendore të fillojmë të kemi mundësi që të verifikojmë të gjithë sinjalistikën rrugore, gardhet e shkollave, kamerat e sigurisë, sepse ato janë një element shumë i rëndësishëm për të garantuar që çdo nxënës, çdo fëmijë që çdo banor i Kukësit, Hasit apo Tropojës, dërgon në shkollë, ata janë në “besën tonë”, theksoi ministri./ CNA





Lajmet e fundit nga