Arian Galdini dhe LRE shpallin nismën/ Peticion mbarëkombëtar për të drejtën e votës për Diasporën

15 Shtator 2023, 22:32, Politikë CNA

Arian Galdini dhe LRE shpallin nismën/ Peticion mbarëkombëtar

Kryetari i LRE-së, Arian Galdini

Nëpërmjet një postimi në facebook në faqen e tij zyrtare, Kryetari i LRE-së, Arian Galdini ka njoftuar krijimin e Këshillit të Diasporës për të Drejtën e Votës.

Galdini njofton se ky Këshill i Diasporës do të nisë prej ditës së hënë një fushatë masive e mbarëkombëtare kudo e ngado në Diasporë për firmosjen e një Peticioni pro Votës së Diasporës.

Ai thotë se ky Këshill është i hapur dhe gjithëpërfshirës për çdo shqiptar të mirë e patriot pavarësisht nga bindjet apo përkatësitë politike.

Deklarata e plotë:

Diaspora Shqiptare

E drejta e votës për Diasporën Shqiptare.

Me nismën e LRE, paralajmëruar në Kuvendin Zgjedhor të kësaj partie, zhvilluar në dt 17 qershor 2023, ne prej ditës së sotme, u bëjmë thirrje të gjithë shqiptarëve të mirë e patriotë, që ti bashkohen Këshillit të Diasporës për të Drejtën e Votës.

Nismëtarët e këtij Këshilli janë strukturat e LRE në Diasporë, në Itali, Greqi, Gjermani, UK dhe SHBA.

Por ky Këshill është i hapur dhe gjithëpërfshirës për çdo shqiptar të mirë e patriot pavarësisht nga bindjet apo përkatësitë politike.

Edhe pse LRE është Nismëtare e krijimit të këtij Këshilli, ky Këshill nuk do të jetë strukturë apo nismë e ndërvarur politikisht apo partiakisht nga LRE.

Këshilli i Diasporës për të Drejtën e Votës do të jetë i pavarur, apartiak dhe gjithëpërfshirës.

Edhe pse LRE hedh topin e parë të dëborës, ne mendojmë e besojmë se Orteku do të jetë i të gjithë shqiptarëve.

Këshilli i Diasporës për të Drejtën e Votës do të organizojë dhe kordinojë edhe Nismën për Firmosjen e Peticionit nga të gjithë shqiptarët për të kërkuar e fituar të drejtën e votës nga vendi ku jetojnë të gjithë emigrantët shqiptarë jashtë atdheut.

Kush dëshiron ti bashkohet Këshillit të Diasporës për të Drejtën e Votës dhe Nismës për firmosjen e Peticionit për të Drejtën e Votës së Diasporës, është i/e mirëpritur.

Ju lutem na kontaktoni në adresën e email:

[email protected]

Ose në whatsapp në nr:

+355672051564

Faleminderit nga zemra e suksese në këtë nismë fisnike e patriotike.

Diaspora Shqiptare duhet të votojë patjetër e domosdoshmërisht nga vendi ku jeton.

Jo më vonesa.

Koha për ta nisur e fituar këtë betejë./ CNA